«Тошрангметзавод» АЖ Табиатни муҳофаза қилиш давлат қўмитаси кўмагида аҳоли ва юридик шахслардан ишлатиб бўлинган электрон техникасини қабул қилиш бўйича лойиҳани ишга туширади.
Ишдан чиққан электр приборлари қайта ишланиб, улардан сим, арматура, металл ва пластик буюмлар олинади.
“Табиатга имкон бер” лойиҳасида қуйидаги икки асосий йўналиш мавжуд:
- юридик шахслардан ишлатиб бўлинган техникани ҳисобдан чиқариш ва утилизация қилиш. Ташкилотлардан электрон чиқиндилар исталган миқдорда қабул қилинади;
- жисмоний шахслардан электрон чиқиндиларни қабул қилиш. Бунда қабул қилиш шохобчаларида эскирган техникани топширишга рағбат сифатида йирик савдо комплексларига чегирма купонлари тақдим этилади.
Қабул қилиш марказлари «MEDIAPARK» комплекслари ҳудудида очилади. Купон эгалари сотиб олинаётган техникага чегирма олишлари мумкин.
