Олий Мажлис Сенатининг тўққизинчи ялпи мажлиси 2017 йил 28-29 март кунлари бўлиб ўтади

Ялпи мажлиснинг кун тартибига давлат ва жамият қурилиши учун муҳим масалалар, шу жумладан бир нечта қонунлар киритилмоқда:

• "Ўзбекистон Республикаси Конституциясига ўзгартишлар ва қўшимча киритиш тўғрисида"
  
• "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"
• "Ўзбекистон Республикасининг “Судлар тўғрисида”ги Қонунига ўзгартиш ва қўшимчалар киритиш тўғрисида"
• "Ўзбекистон Республикаси Судьялар олий кенгаши тўғрисида"
• "Ўзбекистон Республикасининг Фуқаролик процессуал кодексига ўзгартиш ва қўшимчалар киритиш тўғрисида"
• "Ўзбекистон Республикаси Хўжалик процессуал кодексига ўзгартиш ва қўшимчалар киритиш тўғрисида" ва бошқалар.

Бундан ташкари, Табиатни муҳофаза қилиш давлат қўмитаси раиси, Марказий банк бошқаруви раиси, Бош прокурор, ички ишлар вазири, Ҳисоб палатаси, Олий Мажлис Инсон ҳуқуқлари бўйича вакили (омбудсман)нинг ҳисоботларини эшитиш ҳамда Олий Мажлис Сенатининг ваколатига кирадиган бошқа масалаларни муҳокама қилиш кўзда тутилмоқда.

Олий Мажлис юқори палатаси қўмиталарининг ва Девонининг тўққизинчи ялпи мажлисга тайёргарлик кўриш ҳамда уни ўтказишга доир ишларини мувофиқлаштириш учун Кенгаш томонидан Сенат раисининг ўринбосари Светлана Артикова бошчилигида тегишли ишчи гуруҳ ташкил этилди.

Кенгаш мажлисида Сенат аъзоларидан ташқари тегишли вазирлик ва идоралар раҳбарлари ҳамда айрим фуқаролик жамияти институтлари ва ОАВ вакиллари иштирок этишди.

Маъруф УСМАНОВ