Тадбиркорлар учун табиатни муҳофаза қилишга оид қонунчилик юзасидан семинар ўтказилди

Айтиш керакки, “Ўсимлик дунёсини муҳофаза қилиш ва ундан фойдаланиш тўғрисида”ги Қонуннинг янги таҳрири 6 та боб, 51-моддани, «Ҳайвонот дунёсини муҳофаза қилиш ва ундан фойдаланиш тўғрисида»ги Қонун эса 6 та боб, 53 та моддани ўз ичига олган.

Семинарнинг ўсимликлар дунёсини муҳофаза қилишга бағишланган биринчи қисмида ўсимликлардан фойдаланиш, қўриқланадиган табиий ҳудудларни ташкил қилиш ва ривожлантириш, ботаника боғлари ҳамда дендрология паркларини ташкил этиш, сунъий шароитларда ёввойи ўсимликларни ўстириш, ўсимлик дунёси объектларини олиб кириш ва олиб чиқишни тартибга солиш, шунингдек ўсимлик дунёси объектларидан махсус фойдаланиш учун аризалар бериш каби қатор масалалар муҳокама қилинди.

«Ҳайвонот дунёсини муҳофаза қилиш ва ундан фойдаланиш тўғрисида»ги Қонун муҳокамасига бағишланган иккинчи қисмида  ҳайвонот дунёсини муҳофаза қилишга доир чора-тадбирларнинг аниқ йўллари, ҳайвонот дунёси объектларини давлат ҳисобига олиш ва улардан фойдаланиш ҳажмларини ҳисобга олиш, ҳайвонот дунёси объектларининг давлат кадастрини юритиш, камёб ва йўқолиб кетиш хавфи остида турган ёввойи ҳайвонлар турларини муҳофаза қилиш ва уларни табиий яшаш муҳитидан ажратиб олиш, ёввойи ҳайвонларни, шунингдек уларнинг қисмларини, яшаш фаолияти маҳсулотларини, зоология коллекцияларини, ўлжаларни ва тулумларни Ўзбекистон Республикасига олиб кириш ҳамда Ўзбекистон Республикасидан олиб чиқиш, ҳайвонот дунёси мониторинги, ҳайвонот дунёсини муҳофаза қилиш ва ундан фойдаланиш соҳасидаги назоратни амалга ошириш тартиби белгилаб қўйилгани алоҳида эътироф этилди.

Шунингдек, ҳайвонот дунёсидан фойдаланиш ва муҳофаза қилиш, қўриқланадиган табиий ҳудудни ташкил этиш ва ривожлантириш, зоологик коллекциялар яратиш, ҳайвонот дунёси объектларидан махсус фойдаланиш учун аризалар бериш, ҳайвонот дунёси объектларини олиб кириш ва олиб чиқишни тартибга солиш каби масалаларга батафсил тўхталиб ўтилди.

Мавзуга оид материал:

ЯИДХП орқали ўсимлик йиғишга рухсатнома олиш учун сўров бериш мумкин