Неверный логин или пароль
x
На ваш почтовый ящик отправлены инструкции по восстановлению пароля
x
  • www.norma.uz
  • Фойдали ахборот
  • 2016 йил декабрь ойи учун жисмоний шахслар даромадидан олинадиган солиқ ва бошқа мажбурий тўловлар ҳисоб-китоби услубияти

2016 йил декабрь ойи учун жисмоний шахслар даромадидан олинадиган солиқ ва бошқа мажбурий тўловлар ҳисоб-китоби услубияти

20.12.2016

.

    2016 йил 1 январдан бошлаб ЖШДСнинг қуйидаги ставкалари амал қилмоқда: ноль ставкали; энг кам ставка – 7,5%; ўртача ставка – 17%; энг юқори ставка – 23% (22.12.2015 йилдаги ПҚ-2455-сон Қарорга 9-илова).

 

    Январь–сентябрь ойларида энг кам иш ҳақи (ЭКИҲ) жами миқдори 1 172 160 сўмни (130 240 х 9) ташкил этади (26.08.2015 йилдаги ПФ-4751-сон Фармоннинг 2-банди). Октябрь-декабрь ойлари учун ЭКИҲ 449 325 сўмга (149 775 х 3) тенг (22.08.2016 йилдаги ПФ-4822-сон Фармоннинг 2-банди).

 

    Бутун йил давомида ЖШДСни ва ЭКИҲ бараварида назарда тутилган имтиёзларни ҳисоблаб чиқаришда 2016 йилнинг 1 январь ҳолатига кўра белгиланган ЭКИҲ – 130 240 сўм қўлланади (Солиқ кодекси 186-моддасининг 1-қисми, бундан кейин – Кодекс). Январь-декабрь ойлари учун солиқ солинадиган жами ЭКИҲ миқдори 1 562 880 сўмни (130 240 х 12) ташкил қилади.

 

    2016 йилда фуқароларнинг ШЖБПҲга мажбурий ойлик бадаллари ставкаси ходимга ҳисобланган солиқ солинадиган иш ҳақининг (даромад)нинг ноль ставкасида (ЭКИҲ 1 баравари) солиқ солинадиган даромад чегирилган ҳолдаги суммасининг 1%ини ташкил этади (ПҚ-2455-сон Қарорга 9-илова).

 

    ШЖБПҲга мажбурий бадаллар ҳисоблаб ёзилган ЖШДСдан чегирилади (АВ томонидан 6.10.2005 йилда 1515-сон билан рўйхатдан ўтказилган Низомнинг 3-банди).

 

    2016 йил учун бюджетдан ташқари Пенсия жамғармасига фуқароларнинг мажбурий суғурта бадаллари ставкаси ходимга ҳисоблаб ёзилган, бадаллар ундириладиган даромад суммасининг 7,5%и миқдорида белгиланган (ПҚ-2455-сон Қарорнинг 3-банди).

 

Солиқ солинадиган даромад миқдори

Солиқ ставкаси

1 562 880 сўмгача

0%

1 562 881 сўмдан 7 814 400 сўмгача (5 х 1 562 880)

1 562 880 сўмдан ортиқ сумманинг 7,5%и

7 814 401 сўмдан 15 628 800 сўмгача (10 х 1 562 880)

468 864 сўм + 7 814 400 сўмдан ортиқ сумманинг 17%и

15 628 801 сўм ва ундан юқори

1 797 312 сўм + 15 628 800 сўмдан ортиқ сумманинг 23%и

 

 

I. АНЪАНАВИЙ ҲИСОБ-КИТОБ

 

1-ВАЗИЯТ  Ойига ЭКИҲнинг 1 бараваридан ошмайдиган даромадлардан ЖШДС ҳисоб-китоби

 

Ходима корхонада чорак ставкада ишлайди. Январь–декабрь ойларида у ойига 130 000 сўмдан иш ҳақи олди. Йил бошидан жами даромад 1 560 000 сўмни (130 000 х 12) ташкил қилади.

Жисмоний шахснинг 1 562 880 сўмгача бўлган даромадига ноль ставкаси бўйича солиқ солинади. Ходиманинг иш ҳақидан ЖШДС 0 сўмни (1 560 000 х 0%) ташкил қилади.

Ходиманинг иш ҳақидан ШЖБПҲга бадаллар ҳисоб-китобида ноль ставкаси бўйича солиқ солинадиган даромад (ЭКИҲнинг 1 баравари) чегирилиши сабабли ушбу бадаллар ҳисоблаб ўтказилмайди.

Ходиманинг даромадларидан декабрь ойи учун суғурта бадаллари 9 750 сўмга (130 000 х 7,5%) тенг.

Суғурта бадаллари ушланганидан кейин ходимага 120 250 сўм (130 000 – 9 750) тўланади.

 

2-ВАЗИЯТ  Ойига ЭКИҲнинг 5 бараваридан ошмайдиган даромадлардан ЖШДС ҳисоб-китоби


Ходимга январь–сентябрь ойларида ойига 550 000 сўмдан, октябрь-декабрь ойларида эса 630 000 сўмдан иш ҳақи тўланган. Йил бошидан даромад 6 840 000 сўмни (550 000 х 9 + 630 000 х 3) ташкил қилади.

Олинган даромадга 7,5%лик ставка бўйича солинадиган ЖШДС:

(6 840 000 – 1 562 880) х 7,5% = 395 784 сўмга тенг.

Январь-ноябрь ойларида 358 302 сўм солиқ ушлаб қолинган. Декабрь ойидаги солиқ суммаси 37 482 сўмга (395 784 – 358 302) тенг.

Январь–декабрь ойлари учун ШЖБПҲга мажбурий бадаллар суммаси 52 771,2 сўмни ((6 840 000 – 1 562 880) х 1%) ташкил этади.

Январь-ноябрь ойларида ШЖБПҲга 47 773,6 сўм ўтказилган, декабрь ойида ажратмалар 4 997,6 сўмни (52 771,2 – 47 773,6) ташкил қилади.

Декабрь ойи учун бюджетга 32 484,4 сўм (37 482 – 4 997,6) солиқ ўтказилади.

Декабрь ойи учун мажбурий суғурта бадаллари 47 250 сўмни (630 000 х 7,5%) ташкил этади.

ЖШДС ва суғурта бадаллари ушланганидан кейин ходимга 545 268 сўм (630 000 – 37 482 – 47 250) тўланади.

 

3-ВАЗИЯТ  Бир ойдаги даромадлар 10 ЭКИҲдан ошмаганда ЖШДС ҳисоб-китоби


Ходимнинг январь–сентябрь ойларидаги меҳнатига ойига 800 000 сўмдан, октябрь-декабрь ойларида эса 920 000 сўмдан тўланган. Йил бошидан даромад 9 960 000 сўмни (800 000 х 9 + 920 000 х 3) ташкил қилади.

17%лик ставка бўйича солиқ солинадиган даромад суммасини ҳисоб-китоб қиламиз ва январь–декабрь ойлари учун солиқни ҳисоблаймиз:

468 864 + (9 960 000 – 7 814 400) х 17% = 833 616 сўм.

Январь-ноябрь ойларида 748 848 сўм солиқ ушлаб қолинган. Декабрь ойидаги солиқ суммаси 84 768 сўмга (833 616 – 748 848) тенг.

Январь–декабрь ойлари учун ШЖБПҲга мажбурий бадаллар суммаси 83 971,2 сўмни ((9 960 000 – 1 562 880) х 1%) ташкил этади.

Январь-ноябрь ойларида ШЖБПҲга 76 073,6 сўм ўтказилган, декабрь ойида ажратмалар 7 897,6 сўмни (83 971,2 – 76 073,6) ташкил қилади.

Декабрь ойи учун бюджетга 76 870,4 сўм (84 768 – 7 897,6) ЖШДС ўтказилади.

Декабрь ойи учун мажбурий суғурта бадаллари 69 000 сўмни (920 000 х 7,5%) ташкил этади.

Солиқ ва суғурта бадаллари ушлаб қолинганидан кейин ходим қўлига 766 232 сўм (920 000 – 84 768 – 69 000) иш ҳақи олади.

 

4-ВАЗИЯТ  Бир ойдаги даромадлар 10 ЭКИҲдан ошганда ЖШДС ҳисоб-китоби


Ходимнинг январь–сентябрь ойларидаги меҳнатига ойига 1 400 000 сўмдан, октябрь-декабрь ойларида эса 1 610 000 сўмдан ҳақ тўланган. Йил бошидан даромад 17 430 000 сўмни (1 400 000 х 9 + 1 610 000 х 3) ташкил қилади.

23%лик ставка бўйича солиқ солинадиган даромад суммасини ҳисоб-китоб қиламиз ва январь–декабрь ойлари учун ЖШДСни ҳисоблаймиз:

1 797 312 + (17 430 000 – 15 628 800) х 23% = 2 211 588 сўм.

Январь-ноябрь ойларида 1 991 064 сўм ЖШДС ушлаб қолинган. Декабрь ойидаги солиқ суммаси 220 524 сўмга (2 211 588 – 1 991 064) тенг.

ШЖБПҲга мажбурий бадаллар суммаси 158 671,2 сўмга ((17 430 000 – 1 562 880) х 1%) тенг.

Январь-ноябрь ойларида ШЖБПҲга 143 873,6 сўм ўтказилган, декабрь ойида ажратмалар 14 797,6 сўмни (158 671,2 – 143 873,6) ташкил қилади.

Декабрь ойи учун бюджетга 205 726,4 сўм (220 524 – 14 797,6) ЖШДС ўтказилади.

Декабрь ойи учун мажбурий суғурта бадаллари 120 750 сўмни (1 610 000 х 7,5%) ташкил этади.

Солиқ ва суғурта бадаллари ушлаб қолинганидан кейин ходим қўлига 1 268 726 сўм (1 610 000 – 220 524 – 120 750) иш ҳақи олади.

 

II. ИМТИЁЗЛАРНИ ҲИСОБГА ОЛГАН ҲОЛДА

 

5-ВАЗИЯТ  Даромаддан ЭКИҲнинг 4 бараварига тенг сумма чиқариб ташланадиган имтиёз қўлланилган ҳолда ЖШДС ҳисоб-китоби


Ходимнинг январь–сентябрь ойларидаги меҳнатига ойига 1 400 000 сўмдан, октябрь-декабрь ойларида эса 1 610 000 сўмдан ҳақ тўланган. Йил бошидан даромад 17 430 000 сўмни (1 610 000 х 9 + 1 610 000 х 3) ташкил қилади.

Кодекснинг 180-моддаси 2-қисмига мувофиқ ушбу имтиёзга эга бўлган фуқароларнинг (масалан, 16 ёшдан ошмаган икки ва ундан ортиқ болалари бўлган ёлғиз оналар) жами даромадидан ҳар ойда ЭКИҲнинг 4 бараварига тенг сумма чиқариб ташланади.

Солиқ солинадиган даромад: 17 430 000 – (1 562 880 х 4) = 11 178 480 сўмга тенг.

17%лик ставка бўйича солиқ солинадиган даромад суммасини ҳисоблаймиз ва январь–декабрь ойлари учун солиқни ҳисоблаб ёзамиз:

468 864 + (11 178 480 – 7 814 400) х 17% = 1 040 757,6 сўм.

Январь-ноябрь ойларида 927 252,8 сўм ЖШДС ушлаб қолинган. Декабрь ойидаги солиқ суммаси 113 504,8 сўмга (1 040 757,6 – 927 252,8) тенг.

ШЖБПҲга мажбурий бадаллар суммаси 96 156 сўмни ((11 178 480 – 1 562 880) х 1%) ташкил этади.

Январь-ноябрь ойларида ШЖБПҲга 86 568 сўм ўтказилган, декабрь ойида ажратмалар 9 588 сўмни (96 156 – 86 568) ташкил қилади.

Бюджетга 103 916,8 сўм (113 504,8 – 9 588) ЖШДС ўтказилади.

Декабрь ойи учун мажбурий суғурта бадаллари 120 750 сўмни (1 610 000 х 7,5%) ташкил этади.

Солиқ ва суғурта бадаллари ушлаб қолинганидан кейин ходим қўлига 1 375 745,2 сўм (1 610 000 – 113 504,8 – 120 750) иш ҳақи олади.

 

6-ВАЗИЯТ Моддий ёрдам олганда имтиёзни ҳисобга олган ҳолда ЖШДС ҳисоб-китоби


Ходимнинг январь–сентябрь ойларидаги меҳнатига ойига 950 000 сўмдан, октябрь-декабрь ойларида эса 1 100 000 сўмдан ҳақ тўланган. Январь ойида унга фарзанди туғилганлиги муносабати билан 1 800 000 сўм моддий ёрдам берилган. Йил бошидан даромад 13 650 000 сўмни (950 000 х 9 + 1 800 000 + 1 100 000 х 3) ташкил қилади.

Кодекснинг 179-моддаси 1-бандининг 3 ва 4-хатбошиларига кўра бир йил давомида ЭКИҲнинг 12 бараваригача миқдорда бериладиган қуйидаги моддий ёрдам суммаларига: вафот этган ходимнинг оила аъзоларига ёки оила аъзоси вафот этганлиги муносабати билан ходимга бериладиган тўловлар; ходимга меҳнатда майиб бўлганлик, касб касаллиги ёхуд соғлиққа бошқача шикаст етганлиги билан боғлиқ тўловлар; бола туғилиши, ходим ёки унинг фарзандлари никоҳдан ўтиши муносабати билан бериладиган тўловлар; қишлоқ хўжалиги маҳсулотларини бериш ёки уларни сотиб олиш учун маблағлар бериш тарзидаги тўловларга ЖШДС солинмайди (Кодекснинг 178-моддаси 16-банди). Йил мобайнида ҳисоб-китоб қилишда йил бошида амал қилган ЭКИҲ қўлланилади (130 240 х 12 = 1 562 880 сўм).

Солиқ солинадиган даромад 12 087 120 сўмга (13 650 000 – 1 562 880) тенг.

17%лик ставка бўйича солиқ солинадиган даромад суммасини ҳисоблаймиз ва январь–декабрь ойлари учун солиқни ҳисоблаб ёзамиз:

468 864 + (12 087 120 – 7 814 400) х 17% = 1 195 226,4 сўм.

Январь-ноябрь ойларида 1 079 858,4 сўм ЖШДС ушлаб қолинган. Декабрь ойидаги солиқ суммаси 115 368 сўмга (1 195 226,4 – 1 079 858,4) тенг.

ШЖБПҲга мажбурий бадаллар суммаси 105 242,4 сўмни ((12 087 120 – 1 562 880) х 1%) ташкил этади.

Январь-ноябрь ойларида ШЖБПҲга 95 544,8 сўм ўтказилган, декабрь ойида ажратмалар 9 697,6 сўмни (105 242,4 – 95 544,8) ташкил қилади.

Декабрь ойи учун бюджетга 105 670,4 сўм (115 368 – 9 697,6) ЖШДС ўтказилади.

Декабрь ойи учун мажбурий суғурта бадаллари 82 500 сўмни (1 100 000 х 7,5%) ташкил этади.

Солиқ ва суғурта бадаллари ушлаб қолинганидан кейин ходим қўлига 902 132 сўм (1 100 000 – 115 368 – 82 500) иш ҳақи олади.

 

7-ВАЗИЯТ  Қимматбаҳо совға олинганда имтиёзни ҳисобга олган ҳолда ЖШДС ҳисоб-китоби


Ходимнинг январь–сентябрь ойларидаги меҳнатига ойига 1 000 000 сўмдан, октябрь-декабрь ойларида эса 1 150 000 сўмдан ҳақ тўланган. Январь ойида унга 1 300 000 сўмлик ноутбук совға қилинди. Ходимнинг йил бошидан даромади 13 750 000 сўмни (1 000 000 х 9 + 1 300 000 + 1 150 000 х 3) ташкил қилади.

Кодекснинг 179-моддаси 14-бандига кўра бир йил мобайнида юридик шахслардан ЭКИҲнинг 6 баравари миқдоригача бўлган суммада олинган совғаларнинг қийматига солиқ солинмайди. Бунда йил мобайнида ҳисоб-китоб қилишда йил бошида амал қилган ЭКИҲ қўлланилади (130 240 х 6 = 781 440 сўм).

Солиқ солинадиган даромад 12 968 560 сўмга (13 750 000 – 781 440) тенг.

17%лик ставка бўйича солиқ солинадиган даромад суммасини ҳисоблаймиз ва январь–декабрь ойлари учун солиқни ҳисоблаб ёзамиз:

468 864 + (12 968 560 – 7 814 400) х 17% = 1 345 071,2 сўм.

Январь-ноябрь ойларида 1 221 203,2 сўм ЖШДС ушлаб қолинган. Декабрь ойидаги солиқ суммаси 123 868 сўмга (1 345 071,2 – 1 221 203,2) тенг.

Январь–декабрь ойлари учун ШЖБПҲга мажбурий бадаллар суммаси 114 056,8 сўмга ((12 968 560 – 1 562 880) х 1%) тенг.

Январь-ноябрь ойларида ШЖБПҲга 103 859,2 сўм ўтказилган, декабрь ойида ажратмалар 10 197,6 сўмни (114 056,8 – 103 859,2) ташкил қилади.

Бюджетга 113 670,4 сўм (123 868 – 10 197,6) ЖШДС ўтказилади.

Декабрь ойи учун мажбурий суғурта бадаллари 86 250 сўмни (1 150 000 х 7,5%) ташкил этади.

Солиқ ва суғурта бадаллари ушлаб қолинганидан кейин ходим қўлига 939 882 сўм (1 150 000 – 123 868 – 86 250) иш ҳақи олади.

 

8-ВАЗИЯТ  Бир нечта имтиёзни ҳисобга олган ҳолда (ҳар ойда даромаддан ЭКИҲнинг 4 бараварига тенг суммани чегириш, моддий ёрдам ва қимматбаҳо совға олинганда) ЖШДС ҳисоб-китоби


Кодекснинг 180-моддасига кўра имтиёзга ҳақли бўлган ходимга январь–сентябрь ойларида ойига 1 000 000 сўмдан, октябрь-декабрь ойларида эса 1 150 000 сўм иш ҳақи тўланган. Январь ойида унга никоҳдан ўтиши муносабати билан 1 700 000 сўм моддий ёрдам кўрсатилган ва 900 000 сўмлик қийматга эга совға топширилган. Ходимнинг йил бошидан даромади 15 050 000 сўмни (1 000 000 х 9 + 1 700 000 + 900 000 + 1 150 000 х 3) ташкил қилади.

Қуйидагиларга мувофиқ:

Кодекснинг 180-моддаси 2-қисмига мувофиқ имтиёз олиш ҳуқуқига эга бўлган ходимнинг солиқ солинадиган даромадидан ҳар ойда ЭКИҲнинг 4 бараварига тенг сумма (1 562 880 х 4 = 6 251 520 сўм) чиқариб ташланади;

Кодекснинг 179-моддаси 1-бандига мувофиқ, бир йил давомида ЭКИҲнинг 12 бараваригача (130 240 х 12 = 1 562 880 сўм) миқдорда бериладиган моддий ёрдам суммасига ЖШДС солинмайди;

Кодекснинг 179-моддаси 14-бандига кўра юридик шахслардан бир йил мобайнида ЭКИҲнинг 6 баравари (130 240 х 6 = 781 440 сўм) миқдоригача олинган совғаларнинг қийматига ЖШДС солинмайди.

Солиқ солинадиган даромадни аниқлаймиз:

(1 000 000 х 9 + 1 150 000 х 3) – 6 251 520 + 1 700 000 – 1 562 880 + 900 000 – 781 440 = 6 454 160 сўм.

Олинган даромадга 7,5%лик ставка бўйича солиқ солинади: ЖШДС (6 454 160 – 1 562 880) х 7,5% = 366 846 сўмга тенг.

Январь-ноябрь ойларида 329 436 сўм ЖШДС ушлаб қолинган. Декабрь ойидаги солиқ суммаси 37 410 сўмга (366 846 – 329 436) тенг.

12 ой учун ШЖБПҲга мажбурий бадаллар суммаси 48 912,8 сўмни ((6 454 160 – 1 562 880) х 1%) ташкил этади.

Январь-ноябрь ойларида ШЖБПҲга 43 924,8 сўм ўтказилган, декабрь ойида ажратмалар 4 988 сўмни (48 912,8 – 43 924,8) ташкил қилади.

Декабрь ойи учун бюджетга 32 422 сўм (37 410 – 4 988) солиқ ўтказилади.

Мажбурий суғурта бадаллари декабрь ойи учун 86 250 сўмни (1 150 000 х 7,5%) ташкил этади.

Солиқ ва мажбурий суғурта бадаллари ушлаб қолинганидан кейин ходим қўлига 1 026 340 сўм (1 150 000 – 37 410 – 86 250) олади.

 

III. ОДАТДАН ТАШҚАРИ ҲОЛАТЛАР

 

9-ВАЗИЯТ  Ўриндош ходим даромадларидан ЖШДС ҳисоб-китоби


Кодекснинг 180-моддаси 2-қисмида назарда тутилган имтиёзга эга ўриндош ходимга январь–сентябрь ойларида ойига 600 000 сўмдан, октябрь-декабрь ойларида эса 690 000 сўмдан иш ҳақи тўланган. Унинг йил бошидан даромади 7 470 000 сўмни (600 000 х 9 + 690 000 х 3) ташкил қилади.

Асосий бўлмаган иш жойидан ёки бошқа юридик шахслардан олинган даромадларга тўлов манбаида ЖШДСни ҳисоблаб чиқариш Кодекснинг 180-моддасида назарда тутилган имтиёзни қўлламасдан жами даромад суммасидан амалга оширилади (Кодекснинг 186-моддаси 8-қисми).

Агар асосий бўлмаган иш жойидан ёки бошқа юридик шахслардан даромад оладиган жисмоний шахс бухгалтерияга ундан ЖШДСни энг юқори ставкада ушлаб қолиш ҳақида ариза тақдим этса, у ҳолда даромад тўловчи юридик шахс имтиёзларни қўлламаган ҳолда уни энг юқори ставкада ушлаб қолади (Кодекснинг 186-моддаси ­9-қисми). Бундай ариза мавжуд бўлмаган ҳолларда ЖШДС шкала бўйича ушлаб қолинади, солиқ тўловчи эса солиқ органларида ўтган йил учун жами даромадларини кейинги йилнинг 1 апрелига қадар декларациялаши шарт.

 

I. Ўриндош бухгалтерияга ЖШДСни энг юқори ставкада ушлаб қолиш ҳақида ариза тақдим этмаган.

Унинг январь–декабрь ойларида олган даромадига 7,5%лик ставка бўйича солиқ солинади:

ЖШДС (7 470 000 – 1 562 880) х 7,5% = 443 034 сўмга тенг.

Январь-ноябрь ойларида 401 052 сўм ЖШДС ушлаб қолинган. Декабрь ойидаги солиқ суммаси 41 982 сўмга (443 034 – 401 052) тенг.

Январь–декабрь ойлари учун ШЖБПҲга мажбурий бадаллар 59 071,2 сўмга ((7 470 000 – 1 562 880) х 1%) тенг.

Январь-ноябрь ойларида ШЖБПҲга 53 437,6 сўм ўтказилган, декабрь ойида ажратмалар 5 633,6 сўмни (59 071,2 – 53 437,6) ташкил қилади.

Декабрь ойи учун бюджетга 36 348,4 сўм (41 982 – 5 633,6) ЖШДС ўтказилади.

Декабрь ойи учун мажбурий суғурта бадаллари суммаси 51 750 сўмни (690 000 х 7,5%) ташкил этади.

Солиқ ва суғурта бадаллари ушланганидан кейин ходим 596 268 сўм (690 000 – 41 982 – 51 750) иш ҳақи олади.

 

II. Ўриндош ходим бухгалтерияга ЖШДСни энг юқори – 23%лик ставкада ушлаб қолиш ҳақида ариза тақдим этган.

Ўриндошнинг даромади 15 628 800 сўмдан ошмаслигига қарамай, ходимнинг аризасига кўра унинг бутун иш ҳақига 23%лик ставка бўйича солиқ солинади. Январь–декабрь ойлари учун ЖШДС суммаси 1 718 100 сўмга (7 470 000 х 23%) тенг.

Январь-ноябрь ойларида 1 559 400 сўм ЖШДС ушлаб қолинган. Декабрь ойида унинг суммаси 158 700 сўмни (1 718 100 – 1 559 400) ташкил этади.

Жами иш ҳақидан (ноль ставкаси бўйича солиқ солинадиган даромадни чегирмаган ҳолда) ШЖБПҲга бадаллар (1%) ҳисоблаб ёзилади. Январь–декабрь ойларида уларнинг суммаси 74 700 сўмни (7 470 000 х 1%) ташкил қилади.

Январь-ноябрь ойларида ШЖБПҲга 67 800 сўм ўтказилган. Декабрь ойи учун 6 900 сўм (74 700 – 67 800) ўтказилади.

Бюджетга 151 800 сўм (158 700 – 6 900) ЖШДС ўтказилади.

Декабрь ойи учун суғурта бадаллари 51 750 сўмни (690 000 х 7,5%) ташкил қилади.

ЖШДС ва суғурта бадаллари ушланганидан кейин ўриндош ходим 479 550 сўм (690 000 – 158 700 – 51 750) иш ҳақи олади.

 

10-ВАЗИЯТ  Юридик шахсга турар жойни ижарага берувчи ходимнинг даромадларидан ЖШДС ҳисоб-китоби


Ходимнинг январь–сентябрь ойларидаги меҳнатига ойига 600 000 сўмдан, октябрь-декабрь ойларида эса 690 000 сўмдан ҳақ тўланган. Йил бошидан даромад 7 470 000 сўмни (600 000 х 9 + 690 000 х 3) ташкил қилади. Ходим Тошкент шаҳрида жойлашган, майдони 50 кв.м бўлган турар жой биносини 1 январдан бошлаб ижарага бериш тўғрисида иш берувчи билан шартнома тузди ва ҳар ойда 800 000 сўм ижара ҳақи олади.

Жисмоний шахсларнинг турар жойни ижарага топширишдан оладиган даромадларига солиқ солиш ижара (ёллаш) шартномасида назарда тутилган тўловдан келиб чиқиб амалга оширилади, бироқ у турар жойни ижарага берадиган жисмоний шахслар учун белгиланган ижара ҳақи ставкаларидан ҳисоблаб чиқарилган миқдордан кам бўлмаслиги керак ­(ПҚ-2455-сон Қарорга 26-илова).

Тошкент шаҳрида бир ойлик ижара тўловининг энг кам миқдори этиб 1 кв.м турар жой учун 3 000 сўм; Нукус ва вилоят бўйсунувидаги шаҳарларда – 2 000 сўм; бошқа аҳоли пунктларида – 1 000 сўм белгиланган.

Мол-мулкни ижарага беришдан олинган даромадларга 7,5%лик ставка бўйича ЖШДС солинади (Кодекснинг 181-моддаси).

ШЖБПҲга бадаллар иш берувчи ва ходим ўртасида тузилган меҳнат шартномаси ёки фуқаролик-ҳуқуқий тусдаги шартнома бўйича бажарилган ишлар учун олинган даромадлардан ҳисоблаб ёзилади. Ижара ҳақи тарзидаги даромадлар мулкий даромад бўлганлиги ва ишлар бажариш билан боғлиқ бўлмаганлиги боис, ундан ШЖБПҲга ажратмалар қилинмайди.

Ижара ҳақидан ЖШДС суммасини ҳисоблаймиз. Мазкур ҳолатда унинг энг кам суммаси 150 000 сўмни (3 000 х 50) ташкил этади, у ҳақиқатдаги ижара ҳақидан камлиги боис шартномада назарда тутилган суммадан солиқ ҳисобланади:

800 000 х 7,5% = 60 000 сўм.

Январь-декабрь ойлари учун меҳнатга ҳақ тўлаш тарзидаги даромаддан 7,5%лик ставка бўйича солиқни ҳисоблаймиз:

(7 470 000 – 1 562 880) х 7,5% = 443 034 сўм.

Январь-ноябрь ойларида 401 052 сўм ЖШДС ушлаб қолинган. Декабрь ойидаги солиқ суммаси 41 982 сўмга (443 034 – 401 052) тенг.

Январь-декабрь ойлари учун ШЖБПҲга мажбурий бадаллар 59 071,2 сўмга ((7 470 000 – 1 562 880) х 1%) тенг.

Январь-ноябрь ойларида ШЖБПҲга 53 473,6 сўм ўтказилган, декабрь ойида ажратмалар 5 597,6 сўмни (59,071,2 – 53 473,6) ташкил қилади.

Декабрь ойи учун бюджетга 96 384,4 сўм (41 982 – 5 597,6 + 60 000) солиқ ўтказилади.

Мажбурий суғурта бадаллари декабрь ойи учун 51 750 сўмни (690 000 х 7,5%) ташкил этади.

Солиқ ва мажбурий ажратмалар ушлаб қолинганидан кейин ходимга 1 336 268 сўм иш ҳақи ва ижара ҳақи (690 000 + 800 000 – 41 982 – 60 000 – 51 750) тўланади.


11-ВАЗИЯТ  Алимент тўлайдиган ходимнинг даромадларидан ЖШДС ҳисоб-китоби


Ходимнинг январь-сентябрь ойларидаги иш ҳақи миқдори ойига 900 000 сўмни, октябрь-декабрь ойларида эса ойига 1 030 000 сўмни ташкил қилди. Январь-декабрь ойлари учун солиқ солинадиган даромад 11 190 000 сўмни (900 000 х 9 + 1 030 000 х 3) ташкил этди. У суднинг қарорига биноан битта болага иш ҳақининг 1/4 қисмига тенг миқдорда алимент тўлаши шарт.

Ижро ҳужжатлари бўйича ундирув ходимнинг иш ҳақига ва бошқа даромад турларига қаратилганда, ушлаб қолинадиган миқдор солиқлар ушлаб қолингандан кейин қолган суммадан ҳисоблаб чиқарилади («Суд ҳужжатлари ва бошқа органлар ҳужжатларини ижро этиш тўғрисида»ги Қонуннинг 65-моддаси).

17%лик ставка бўйича солиқ солинадиган даромад суммасини ҳисоблаймиз ва январь–декабрь ойлари учун ушбу суммага солиқни ҳисоблаб ёзамиз:

468 864 + (11 190 000 – 7 814 400) х 17% = 1 042 716 сўм.

Январь-ноябрь ойларида 939 248 сўм ЖШДС ушлаб қолинган. Декабрь ойи учун солиқ суммаси 103 468 сўмга (1 042 716 – 939 248) тенг.

ШЖБПҲга мажбурий бадаллар суммаси 96 271,2 сўмни (11 190 000 – 1 562 880) х 1%) ташкил этади.

Январь-ноябрь ойларида ШЖБПҲга 87 273,6 сўм ўтказилган, декабрь ойи учун ажратмалар 8 997,6 сўмни (96 271,2 – 87 273,6) ташкил қилади.

Декабрь ойи учун бюджетга 94 470,4 сўм (103 468 – 8 997,6) ЖШДС ўтказилади.

Мажбурий суғурта бадаллари декабрь ойи учун 77 250 сўмга (1 030 000 х 7,5%) тенг.

Ушлаб қолиниши лозим бўлган алимент суммасини аниқлаймиз:

(1 030 000 – 103 468 – 77 250) х 25% = 212 320,5 сўм.

Солиқ ва суғурта бадаллари ушланганидан сўнг ходим қўлига 636 961,5 сўм (1 030 000 – 103 468 – 77 250 – 212 320,5) иш ҳақи олади.

 

12-ВАЗИЯТ  Илгари ишламаган янги ишга қабул қилинган ходим
(олий ўқув юрти битирувчиси)нинг даромадларидан ЖШДС ҳисоб-китоби


Май ойида илгари ишламаган ходим ишга қабул қилинди. Май-сентябрь ойларида унинг иш ҳақи ойига 600 000 сўмни, октябрь-декабрь ойларида эса ойига 690 000 сўмни ташкил қилган. Унинг йил бошидан жами даромади 5 070 000 сўмни (600 000 х 5 + 690 000 х 3) ташкил қилди.

Олинган даромадга 7,5%лик ставка бўйича солиқ солинади:

(5 070 000 – 1 562 880) х 7,5% = 263 034 сўм.

Май-ноябрь ойларида 221 052 сўм солиқ ушлаб қолинган. Декабрь ойида ЖШДС суммаси 41 982 сўмга (263 034 – 221 052) тенг.

ШЖБПҲга мажбурий бадаллар 35 071,2 сўмни (5 070 000 – 1 562 880) х 1%) ташкил этади.

Май-ноябрь ойларида ШЖБПҲга 29 473,6 сўм бадал ҳисоблаб ўтказилган, декабрь ойи учун ажратмалар 5 597,6 сўмни (35 071,2 – 29 473,6) ташкил қилади.

Декабрь ойи учун бюджетга 36 384,4 сўм (41 982 – 5 597,6) солиқ ўтказилади.

Мажбурий суғурта бадаллари декабрь ойи учун 51 750 сўмга (690 000 х 7,5%) тенг.

ЖШДС ва суғурта бадаллари ушланганидан кейин ходимга 596 268 сўм (690 000 – 41 982 – 51 750) тўланади.

 

13-ВАЗИЯТ  ШЖБПҲга ихтиёрий бадаллар ўтказувчи ходимнинг даромадларидан
солиқ ҳисоб-китоби


Ходимнинг январь-сентябрь ойларидаги иш ҳақи миқдори ойига 800 000 сўмни, октябрь-декабрь ойларида эса ойига 920 000 сўмни ташкил қилди. Январь-декабрь ойлари учун даромад 9 960 000 сўмни (800 000 х 9 + 920 000 х 3) ташкил этди. Май ойида ходим бухгалтерияга унинг иш ҳақидан 250 000 сўмни ШЖБПҲга ихтиёрий бадал сифатида ўтказишни сўраб ариза тақдим этди.

Кодекснинг 179-моддаси 31-бандига мувофиқ ШЖБПҲга ихтиёрий бадаллар суммаси ходимнинг солиқ солинадиган даромадларини аниқлашда чегириб ташланади.

Солиқ солинадиган даромадни аниқлаймиз: 9 960 000 – (250 000 х 8) = 7 960 000 сўм.

17%лик ставка бўйича солиқ солинадиган даромад суммасини ҳисоблаймиз ва январь–декабрь ойлари учун ушбу суммага солиқни ҳисоблаб ёзамиз:

468 864 + (7 960 000 – 7 814 400) х 17% = 493 616 сўм.

Январь-ноябрь ойларида 451 348 сўм ЖШДС ушлаб қолинган. Декабрь ойи учун солиқ суммаси 42 268 сўмга (493 616 – 451 348) тенг.

Январь–декабрь ойлари учун ШЖБПҲга мажбурий бадаллар суммаси 63 971,2 сўмни (7 960 000 – 1 562 880) х 1%) ташкил этади.

Январь-ноябрь ойларида ШЖБПҲга 58 573,6 сўм ўтказилган, декабрь ойи учун ажратмалар 5 397,6 сўмни (63 941,2 – 58 573,6) ташкил қилади.

Декабрь ойи учун бюджетга 36 870,4 сўм (42 268 – 5 397,6) ЖШДС ўтказилади.

Мажбурий суғурта бадаллари декабрь ойи учун 69 000 сўмга (920 000 х 7,5%) тенг.

Солиқ, суғурта ажратмалари ва ШЖБПҲга ихтиёрий ўтказилган бадал чегирилгандан кейин ходимга 558 732 сўм (920 000 – 250 000 – 42 268 – 69 000) иш ҳақи тўланади.

 

14-ВАЗИЯТ  Ипотека кредитини олган ходимнинг даромадларидан ЖШДС ҳисоб-китоби


Ёш оила аъзоси ҳисобланадиган корхона ходими квартира сотиб олиш учун ипотека кредитини расмийлаштирди. Унинг январь-сентябрь ойларидаги ойлик иш ҳақи миқдори 1 050 000 сўмни, октябрь-декабрь ойларида эса ойига 1 200 000 сўмни ташкил қилади. Август ойида ходим бухгалтерияга ипотека кредитини сўндириш учун ҳар ойда 350 000 сўмдан ҳисоблаб ўтказишни сўраб ариза топширди ва барча зарур ҳужжатларни тақдим этди.

Солиқ кодексининг 179-моддаси 30-бандига мувофиқ ёш оила аъзолари томонидан квартира сотиб олиш учун олинган ипотека кредитларини ҳамда улар бўйича ҳисоблаб ёзилган фоизларни қоплаш учун йўналтириладиган иш ҳақи суммаларига жисмоний шахсларнинг даромадларидан олинадиган солиқ солинмайди.

Январь-декабрь ойлари учун солиқ солинадиган даромад 11 300 000 сўмни (1 050 000 х 9 + 1 200 000 х 3) – (350 000 х 5)) ташкил қилади.

ЖШДС суммасини аниқлаш учун аввало 17%лик ставка бўйича солиқ солинадиган даромад суммасини ҳисоб-китоб қиламиз ва унга солиқни ҳисоблаймиз:

468 864 + (11 300 000 – 7 814 400) х 17% = 1 061 416 сўм.

Январь-ноябрь ойларида 988 548 сўм солиқ ушлаб қолинган. Декабрь ойи учун ЖШДС суммаси:

1 061 416 – 988 548 = 72 868 сўмни ташкил қилади.

Январь-декабрь ойларида ШЖБПҲга мажбурий бадаллар суммаси 97 371,2 сўмни ((11 300 000 – 1 562 880) х 1%) ташкил қилади.

Январь-ноябрь ойларида ШЖБПҲга 90 173,6 сўм ўтказилган, декабрь ойи учун ажратмалар 7 197,6 сўмни (97 371,2 – 90 173,6) ташкил қилади.

Декабрь ойи учун бюджетга 65 670,4 сўм (72 868 – 7 197,6) ЖШДС ўтказилади.

Мажбурий суғурта бадаллари 90 000 сўмни (1 200 000 х 7,5%) ташкил қилади.

Ходим қўлига 687 132 сўм (1 200 000 – 350 000 – 72 868 – 90 000) иш ҳақи олади.

 

Ҳисоб-китоб услубиятини экспертимиз, Ўзбекистон солиқ маслаҳатчилари палатаси аъзоси

Муҳиддин ЗАЙНУТДИНОВ тайёрлади.

 

 

_________________________________

*Январь ойи учун жисмоний шахсларнинг даромадидан олинадиган солиқ ва бошқа мажбурий тўловларнинг ҳисоб-китоб услубияти «СБХ»нинг 26.01.2016 йилдаги 4 (1120)-сонида, февраль ойи учун 23.02.2016 йилдаги 8 (1124)-сонида, март ойи учун 22.03.2016 йилдаги 12 (1128)-сонида, апрель ойи учун 26.04.2016 йилдаги 17 (1133)-сонида, май ойи учун 24.05.2016 йилдаги 21 (1137)-сонида, июнь ойи учун 28.06.2016 йилдаги 26 (1142)-сонида, июль ойи учун 26.07.2016 йилдаги 30 (1146)-сонида, август ойи учун 23.08.2016 йилдаги 34 (1150)-сонида, сентябрь ойи учун 27.09.2016 йилдаги 39 (1155)-сонида), октябрь ойи учун  25.10.2016 йилдаги 43 (1159)-сонида, ноябрь ойи учун 29.11.2016 йилдаги 48 (1164)-сонида  чоп этилган.

Курс валют

2017-08-15
  • USD:4154.36 (+27.91) сум
  • EUR:4895.49 (+16.43) сум
  • RUB:69.02 (+0.62) сум