Пойтахт электрон харитасининг баҳорги янгиланиши

Биринчидан, бу кўча номларининг ўзгартирилиши. Демак, Ўзбекистон шоҳкўчаси Ислом Каримов шоҳкўчасига, Тараққиёт кўчаси Маҳтумқули кўчасига  ўзгартирилди. Ушбу кўчалар бўйлаб жойлашган ташкилотлар манзиллари кўчаларнинг янги номларига мувофиқ келтирилди.

Шу билан бир қаторда, Ислом Каримов шоҳкўчаси ва янги Маҳтумқули кўчасини Тошкент харитасида исталган эски номлари бўйича топиш мумкин. Эски номлари бўйича нафақат кўчани, балки каталогда жойлашган ташкилотни ҳам топиш мумкин.

Иккинчидан, ШК учун версия фойдаланувчиларида “Танланган” тугмаси, ҳар бир ташкилот карточкасида эса “Танланганни қўшиш” гиперҳаволаси пайдо бўлди. Ушбу дастакдан фойдаланган ҳолда битта виртуал жойда кўпинча зарур бўладиган ташкилотларни йиғиш мумкин бўлади. Илгари бу дастакдан “Менинг шаҳрим” харитасининг мобиль версияларида фойдаланиш имконияти мавжуд эди.

Учинчидан, сўнгги янгиланишда шаҳар транспортининг кўпгина йўналишлари, айнан 1, 9, 17, 28, 29, 53, 56, 57 автобуслар ва 17м, 20м, 36м, 56м, 100м, 168м, 173м йўналишли таксилар йўналишлари янгиланди. Қайд этиш лозимки, келтирилган йўналишларнинг аксарияти бўйича жиддий ўзгартиришлар киритилди ҳамда бу янгиланган маршрутизаторда ўз аксини топди.

Эслатиб ўтамиз, “Менинг шаҳрим” Тошкент харитасини  лойиҳа сайтидан бепул юклаб олиш мумкин. Ҳозирги кунда электрон харита шахсий компьютер ва Android ёки iOS мобиль қурилмалари учун мослаштирилган.