Бу қарор Президентнинг 19.07.2017 йилдаги ПҚ-3140-сон қарорида акс этган. Ҳужжат матни давлат раҳбари сайтида келтирилади.
Бош консуллик Ўзбекистон фуқаролари ва юридик шахсларининг ҳуқуқ ва манфаатларини самарали ҳимоя қилиш, уларга сифатли консуллик-ҳуқуқий ёрдам кўрсатиш, шунингдек ватандошларимизнинг миграция оқимларини мониторинг қилиш учун очилмоқда.
Ҳужжат билан штат жадвали ва харажатлар сметаси тасдиқланди. ТИВ уни таъминлаш учун номзодларни тақдим қилади.
Шунингдек, ташқи сиёсат идорасига Россия Ташқи ишлар вазирлиги ва Санкт-Петербург шаҳар маъмурияти билан Бош консулликни жойлаштириш ва жиҳозлаш ҳамда бошқа ташкилий масалаларни ҳал қилиш топширилди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
