Неверный логин или пароль
x
На ваш почтовый ящик отправлены инструкции по восстановлению пароля
x

Хизмат соҳаси корхоналари учун ЯСТ ставкаси пасайтирилди

29.12.2015

Президентнинг “Ўзбекистон Республикасининг 2016 йилги асосий макроиқтисодий кўрсаткичлари прогнози ва давлат бюджети параметрлари тўғрисида” Қарори (22.12.2015 йилдаги ПҚ-2455-сон) билан хизмат соҳаси корхоналари учун 5% миқдорида ЯСТ ставкаси белгиланди.

 

2016 йил 1 январдан бошлаб хизмат соҳаси микрофирмалари ва кичик корхоналари  ЯСТни 5% ставка бўйича тўлайди (аввал – 6%). Бу дегани, улар солиқ юки даражаси бўйича саноат ва қурилиш корхоналарига тенглаштирилди. Шундай қилиб, эндиликда ЯСТнинг 5% миқдоридаги ягона базавий ставкаси белгиланди.

 

Кутилишича, солиқ ставкасининг пасайтирилиши хизмат кўрсатадиган кичик бизнес корхоналари тасарруфида  қарийб 60 млрд сўмни қолдириш имконини беради, улар бу маблағларни ўз корхоналарини техник ва технологик қайта жиҳозлашга йўналтиришлари мумкин.

 

ЯСТнинг ягона базавий ставкасининг мавжудлиги  кўп тармоқли корхоналарнинг солиқ ҳисобини, тегишинча, солиқ бошқарувини сезиларли даражада соддалаштиришга олиб келади.

 

Эслатиб ўтамиз, ЯСТ ҳисоб-китобида 5% ли  ставкани юқорида санаб ўтилган корхоналардан ташқари оммавий ахборот воситалари таҳририятлари, матбаа ташкилотлари, телерадиоэшиттириш компаниялари, шунингдек компьютер дастурларини ишлаб чиқиш ва жорий этишни амалга оширадиган корхоналар (реализация умумий ҳажмининг камида 80 фоизи) қўллайди.

 

 Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.

 

 

Ирина АХМЕТОВА,
экспертимиз.

Курс валют

2016-12-06
  • USD:3189.93 (+13.77) сум
  • EUR:3434.89 (--15.97) сум
  • RUB:49.72 (+0.57) сум

Вопрос недели

Ташкент – не сельская местность
Я проживаю в г. Ташкенте с родителями, своего жилья не имею. Могу ли я принять участие в программе доступного жилья, если женюсь и решу жить отдельно от родителей?
09.12.16
Просмотры: 381