Тижорат банклари томонидан ёш оилаларга имтиёзли асосда кредитлар бериш тартиби тўғрисидаги низомда келтирилган ёш оила тушунчасига Марказий банк Бошқарувининг қарори билан (рўйхат рақами 1697-3, 19.10.2016 йил) ўзгартириш киритилди.
- www.norma.uz
- Қонунчиликдаги янгиликлар
- Имтиёзли ипотека олувчи оилалар сони ортади
Имтиёзли ипотека олувчи оилалар сони ортади
24.10.2016
Энди ёш оила деганда эр-хотиннинг иккиси ҳам ўттиз ёшдан ошмаган оила ёхуд фарзанд (бола) тарбиялаб вояга етказаётган ўттиз ёшдан ошмаган ёлғиз отадан ёки ёлғиз онадан иборат бўлган оила, шу жумладан никоҳдан ажралган, бева эркак (бева аёл) тушунилади.
Бундай тушунча илгари “Ёшларга оид давлат сиёсати тўғрисида”ги Қонунда мустаҳкамланган бўлиб, қоида қонунга мувофиқ келтирилмоқда.
Эслатиб ўтамиз, муқаддам ёш оила деганда ҳар бири 30 ёшдан ошмаган биринчи марта расмий никоҳдан ўтган ёшлар тушунилар эди. Бундай ифода амалда жуда кўп саволларни келтириб чиқарди. Хусусан, ёшлардан бири 30 ёшга тўлган бўлса, ёш оила деб тан олиниши мумкинми, деган савол ҳам шулар жумласидан эди. Энди 30 ёш ҳам қўшиб ҳисобланишига аниқлик киритилди.
Шу тариқа, имтиёзли ипотека кредити олиш ҳуқуқига эга шахслар сони сезиларли даражада ошди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва изоҳлар билан яқин орада «Ўзбекистон Республикаси қонунчилиги» ахборот-қидирув тизимида танишиш мумкин.
Елена ЕРМОХИНА,
эксперт-юристимиз
Читайте в свежих номерах
- При землетрясениях в новостройках будет автоматически блокироваться подача газа и электричества
- Предоставлять отпуск обязательно
- «О внесении дополнений в Налоговый кодекс Республики Узбекистан в связи с определением мер, направленных на установление взаимовыгодного сотрудничества с субъектами предпринимательства по сокращению бедности» (в извлечениях)
- Как привлекать к работе в выходные и праздничные дни
- В Ташкенте проведут V Параазиатские игры