Адлия вазирлиги, Меҳнат вазирлиги ҳамда Молия вазирлиги қарори (рўйхат рақами 2168-1, 2017 йил 14 февраль) билан Давлат нотариал идоралари ва нотариал архивлар фаолиятини молиялаштириш тартиби тўғрисидаги низомга тузатишлар киритилди.
- www.norma.uz
- Қонунчиликдаги янгиликлар
- Нотариусларни молиялаштириш қисқартирилди
Нотариусларни молиялаштириш қисқартирилди
21.02.2017
Хусусан, нотариал идоралар ва нотариал архивлар фаолиятини молиялаштириш манбаи ҳисобланадиган ажратмалар миқдорига тузатишлар киритилди:
- нотариал ҳаракатларни амалга оширганлик учун нотариуслар томонидан ундириладиган давлат божи суммасидан 10% миқдоридаги ажратмалар (илгари – 15%);
- нотариал идоралар томонидан ҳуқуқий ва техник тусдаги қўшимча ҳаракатлар кўрсатилганлиги учун тушумлар;
- герб йиғимидан тушадиган маблағларнинг 50 фоизи (илгари – герб йиғимининг барча суммаси) – гербли бланкалар тайёрлашга ҳамда бошқа шахсга бериш тақиқланган ва хатлаб қўйилган автомототранспорт воситалари тўғрисидаги электрон маълумотлар банкини яратишга, шунингдек нотариал идоралари ва нотариал архивларнинг моддий-техник базасини мустаҳкамлашга йўналтириш билан;
- Судлар ва адлия органларини ривожлантириш жамғармаси маблағлари.
Ҳужжат айрим бошқа ўзгартиришларни ҳам сақлайди ҳамда Ўзбекистон Республикаси қонун ҳужжатлари тўпламининг 20.02.2017 йилдаги 7-сонида эълон қилинган пайтдан эътиборан кучга киради.
Мазкур ҳужжатнинг тўлиқ матни ва у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси Қонунчилиги» ахборот-қидирув тизимида танишиш мумкин.
Олег ЗАМАНОВ,
экспертимиз.