27.12.2016 йилдаги ЎРҚ-417-сон «Солиқ ва бюджет сиёсатининг 2017 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонуни билан Солиқ кодексига (кейинги ўринларда - СК) ўзгартиришлар киритилди.
- www.norma.uz
- Қонунчиликдаги янгиликлар
- Солиқ солишнинг соддалаштирилган тартибига ўтиш осонлашди
Солиқ солишнинг соддалаштирилган тартибига ўтиш осонлашди
16.01.2017
СКнинг 351-моддаси иккинчи қисми янги таҳрирда қабул қилинди. Энди ҳисобот йили якунларига кўра кичик бизнес субъектлари учун ўрнатилган мезонларга мувофиқ келадиган умумбелгиланган солиқлар тўловчилари ЯСТ тўлашга ўтиладиган чоракнинг биринчи ойи 10-санасидан кечиктирмай ДСИга тегишли билдиришни юборган ҳолда ЯСТ тўлашга ўтишлари мумкин.
Бунда улар солиқ солишнинг соддалаштирилган тартибига жорий йилнинг ўзлари истаган чорагида (ўзлари ҳал этишади) ўтишлари мумкин. Масалан, йил бошидан ЯСТ тўлашга ўтиш учун билдиришни 10 январгача юбориш лозим, агар 2-чоракдан ўтиладиган бўлса, 10 апрелдан кечиктирмай (ва ҳ.к.) топшириш керак.
Эслатиб ўтамиз, аввалги таҳрирда умумбелгиланган солиқлардан ЯСТ тўлашга ўтиш учун солиқ органларини кейинги ҳисобот даври (чорак) бошланишидан бир ой олдин кечиктирмай ёзма равишда хабардор этиш лозим эди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси қонунчилиги» ахборот-қидирув тизимида танишиш мумкин.
Музаффар Мирзаганиев,
экспертимиз