Неверный логин или пароль
x
На ваш почтовый ящик отправлены инструкции по восстановлению пароля
x

Судьялар ўз лавозимини муддатсиз эгаллаши мумкин

24.10.2016

21.10.2016 йилда Ўзбекистон Республикаси Президентининг “Суд-ҳуқуқ тизимини янада ислоҳ қилиш, фуқароларнинг ҳуқуқ ва эркинликларини ишончли ҳимоя қилиш кафолатларини кучайтириш чора-тадбирлари тўғрисида”ги Фармони  эълон қилинди.

Ҳужжатда судьяларнинг ўз лавозимида бўлишининг янги муддатлари белгилаб берилди:

 

  • дастлабки муддат – 5 йилга;
  • навбатдаги муддат - 10 йилга;
  • кейинги муддат – муддатсиз даврга.

 

Шу билан бирга 1.04.2017 йилдан бошлаб:

 

- озодликдан маҳрум қилиш билан боғлиқ бўлмаган муқобил жазо турларини қўллашни кенгайтириш орқали қамоқ тариқасидаги жиноий жазо тугатилади;

 

- жиноятни содир этишда гумон қилинган шахсларни ушлаб туриш муддати 72 соатдан 48 соатга қисқартирилади;

 

- қамоққа олиш ва уй қамоғи тарзидаги эҳтиёт чораларини қўллашнинг, шунингдек дастлабки терговнинг энг кўп муддати 1 йилдан 7 ойга қисқартирилади;

 

- почта-телеграф жўнатмаларини хатлаш ва эксгумация ўтказиш учун санкция бериш, шунингдек, қамоққа олиш ёки уй қамоғи тарзидаги эҳтиёт чорасини қўллаш рад этилганда муқобил эҳтиёт чораларини қўллаш ҳуқуқи судларга ўтказилади;

 

- терговнинг тўлиқ эмаслигини суд муҳокамаси жараёнида тўлдириш механизмлари жорий этилади (амалдаги қўшимча тергов юритишга қайтаришнинг ўрнига);

 

- фуқаролик иши бўйича суд қарорини назорат тартибида қайта кўриб чиқиш муддати 3 йилдан 1 йилга қисқартирилади;

 

- вилоят даражасидаги судлар, шунингдек Олий суд Пленуми жиноий ва фуқаролик ишларини назорат тартибида кўриб чиқмайди (шу тариқа, ушбу ваколат суд ҳайъатлари ва Олий Суд Раёсатида сақлаб қолинади);

 

- адлия органларининг умумий юрисдикция судлари фаолиятини моддий-техника жиҳатидан ва молиявий таъминлаш соҳасидаги вазифа ва ваколатлари Олий судга ўтказилади;

 

- хўжалик судлари тизимида минтақавий апелляция судлари ташкил этилади.

 

Фармон билан Суд-ҳуқуқ тизимини янада ислоҳ қилиш, фуқароларнинг ҳуқуқ ва эркинликларини ишончли ҳимоя қилиш кафолатларини кучайтириш бўйича комплекс чора-тадбирлар дастури ҳамда дастурни амалга ошириш бўйича Комиссиянинг шахсий таркиби тасдиқланди.

 

Олег ЗАМАНОВ,
экспертимиз

 

 

Курс валют

2016-11-29
  • USD:3176.16 (+18.66) сум
  • EUR:3450.86 (+0.97) сум
  • RUB:49.15 (+0.65) сум

Вопрос недели

Подходит ли работа в Ташкенте жителю Ташобласти?
Я прописан и проживаю в Кибрайском районе Ташкентской области, в настоящее время не имею постоянной работы. Говорят, что если зарегистрироваться на бирже труда, то мне должны предложить «подходящую» работу. Смогу ли я таким образом получить работу, например, в Мирзо-Улугбекском районе города Ташкента, до которого мне 5 минут езды? Что вообще означает термин «подходящая» работа?
01.12.16
Просмотры: 967