Давлат солиқ қўмитасининг янги хизмати республика фуқароларига солиқ тўловчининг идентификация рақамини (СТИР) олиш имконини беради.
Янги хизмат Вазирлар Маҳкамасининг “Ўзбекистон Республикасида солиқ тўловчиларнинг идентификация рақамларини бериш ва қўллаш тизими тўғисида”ги қарори ва бошқа норматив-ҳуқуқий ҳужжатларга мувофиқ Интерактив давлат хизматлари ягона порталида рўёбга чиқарилди.
Хизмат бепул бўлиб фақат жисмоний шахсларга кўрсатилади. СТИР берилган ҳолда уларни солиқ органларида рўйхатга олиш хизмат натижаси бўлиб ҳисобланади.
Уни қабул қилиш учун фойдаланувчи ариза шаклига ўзининг паспорти нусхасини электрон шаклда илова қилиши лозим. Хизмат 1 иш куни мобайнида тақдим қилинади. Жавоб электрон кўринишда фойдаланувчининг Ягона порталдаги шахсий кабинетига, шунингдек порталда рўйхатдан ўтишда кўрсатилган электрон почтасига юборилади.
Мавзуга доир материал:
Ҳисобланган суғурта бадаллари суммаси ҳақида ИДХЯП орқали билиш мумкин
