Беларусь машиналари акциздан озод этилди

Президентнинг 8.02.2017 йилдаги ПҚ–2762-сон Қарори билан ушбу ҳужжатга киритилган тузатишларга кўра, Беларусь Республикасида ишлаб чиқарилаётган ва у ердан олиб келинаётган янги транспорт воситаларига энди тасдиқланган акциз солиғи ставкалари татбиқ этилмайди.

Хусусан, бу машиналарнинг қуйидаги турларига тааллуқли:

• янги эгарли тягачлар (8701 20 101)¹;
• юк ташиш учун янги моторли транспорт воситалари (8704 22 910, 8704 23 910 4, 8704 23 910 9, 8704 32 910);
• юк ташиш учун бошқа моторли транспорт воситалари (8704 90 000 0).

Эслатиб ўтамиз, 27.12.2016 йилдаги ПҚ-2699-сон Қарорга мувофиқ ушбу имтиёз Қозоғистон Республикаси, Россия Федерацияси ва Украинада ишлаб чиқарилаётган ва у ердан олиб келинаётган янги транспорт воситаларига ҳам татбиқ этилади.

Мазкур ҳужжатнинг тўлиқ матни ва у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси Қонунчилиги» ахборот-қидирув тизимида танишиш мумкин. 

Олег ЗАМАНОВ,

 экспертимиз.

Мавзуга оид материал:

Акциз солиғи тўланадиган ишлаб чиқариладиган товарларга 2017 йил учун акциз солиғи ставкалари индексация қилинди

¹Қавсларда ТИФ ТН кодлари келтирилган.