29.12.2016 йилдаги ЎРҚ-418-сон «Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» Қонун билан Жиноят кодексига ўзгартиш ва қўшимчалар киритилди.
- www.norma.uz
- Қонунчиликдаги янгиликлар
- Жиноят кодексида нима ўзгарди?
Жиноят кодексида нима ўзгарди?
19.01.2017
Қандай жазо тайинланмайди?
Киритилган тузатишларга кўра, энди тадбиркорлик фаолияти билан шуғулланаётган шахсларга нисбатан тадбиркорлик фаолияти билан шуғулланиш ҳуқуқидан маҳрум қилиш тарзидаги жазо тайинланмайди. Бундан одам ўлишига ёки бошқа оғир оқибатларга сабаб бўлган ҳоллар мустасно.
Жавобгарликдан ким озод этилади?
Молия-хўжалик фаолиятини амалга ошириш билан боғлиқ алоҳида жиноятлар бўйича уларни биринчи марта содир этган шахслар, агар улар жиноят аниқланган кундан эътиборан 30 кунлик муддатда келтирилган моддий зарарни қопласа, жиноий жавобгарликдан озод этилади.
Бундай жиноятлар қаторига қуйидагилар киради:
- чет эл валютасининг қасддан яшириб қолиниши, шу жумладан ғаразгўйлик билан, шунингдек бир гуруҳ шахслар томонидан олдиндан тил бириктириб содир этилган бўлса (ЖКнинг 178-моддаси). Бунда жавобгарликдан озод этиш учун яшириб қолинган чет эл валютасини Ўзбекистоннинг ваколат берилган банклари ҳисобига ихтиёрий равишда ўтказиш жоиз;
- сохта банкротлик (ЖКнинг 180-моддаси);
- банкротликни яшириш (ЖКнинг 181-моддаси);
- қасддан банкротликка олиб келиш (ЖКнинг 1811-моддаси);
- ноқонуний тадбиркорлик фаолияти (ЖКнинг 188-моддаси). Бунда жавобгарликдан озод этиш учун солиқлар ва бошқа мажбурий тўловлар тарзида давлатга етказилган зарарнинг ўрнини ихтиёрий равишда қоплаш, тадбиркорлик субъектининг рўйхатдан ўтказилишини таъминлаш ва зарур бўлган рухсат берувчи ҳужжатларни расмийлаштириш зарур;
- савдо ёки хизмат кўрсатиш қоидаларини бузиш (ЖКнинг 189-моддаси). Жавобгарликдан озод этиш учун савдо ёки хизмат кўрсатиш қоидалари бузилишининг оқибатларини бартараф этиш даркор;
- фаолият билан лицензиясиз шуғулланиш (ЖКнинг 190-моддаси). Жавобгарликдан озод этиш учун фаолият билан лицензиясиз шуғулланиш оқибатларини бартараф этиш зарур.
Кўрсатилган ўзгаришлар 2017 йилнинг 1 январидан кучга кирди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси қонунчилиги» ахборот-қидирув тизимида танишиш мумкин.
Олег ЗАМАНОВ,
экспертимиз.
Мавзуга оид материал:
Тадбиркорларни режадан ташқари ва муқобил текширишлар бекор қилинади
Янги сонларда ўқинг
- Қишлоқ хўжалиги маҳсулотларини экспорт қилиш бўйича республика комиссияси тузилди
- Бош бухгалтернинг касаллиги ва солиқ текширувлари
- Якка тартибдаги тадбиркор солиқ солиш тизимини қандай ўзгартириши мумкин
- Сув ресурсларидан фойдаланганлик учун солиқнинг бўнак тўловлари
- «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида»
- Ўзига бўлган ишонч иш муносабатларига қандай таъсир кўрсатади
- «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида»
- Дам олиш кунида ишга қабул қилишни расмийлаштириш мумкинми
- «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»
- «Тошкент шаҳрида «Тошкент инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида»