Қонун ҳужжатлари таъсирини баҳолаш тизими порталида “Инсон манфаатлари ва халқ билан мулоқот йили” Давлат дастури лойиҳаси эълон қилинди. У нақд ва нақдинасиз пул айланмаси ўртасидаги тафовутни бартараф этиш чораларини назарда тутади.
- www.norma.uz
- Қонунчиликдаги янгиликлар
- Нақд ва нақдинасиз ҳисоб-китоблар бирдек қулай бўлади
Нақд ва нақдинасиз ҳисоб-китоблар бирдек қулай бўлади
23.01.2017
Демак, пластик карталардан ҳамма ерда фойдаланиш учун қўшимча қулайликларни яратиш мақсадида тўлов терминалларининг ижара ставкаларини икки баробар пасайтириш таклиф этилмоқда. Банкларнинг маълум қилишича, бугун ижаранинг ўртача ставкаси ойига 10 еврони ташкил этмоқда.
Шу билан бирга, бир пластик картадан бошқасига маблағларни ўтказиш учун тарифларни пасайтириш режалаштирилмоқда. Янги нормаларнинг асосий мақсади – фуқаролик айланмаси иштирокчилари учун нақд ва нақдинасиз тўловлар ўртасидаги тафовутни бартараф этишдир. Ҳозир бундай ўтказмалар учун тўлов тизимлари маблағнинг миқдоридан 2% олишмоқда.
Бунинг устига якка тартибдаги тадбиркорлар, оилавий корхоналар, деҳқон хўжаликлари учун пластик карталардан ишлаб чиқариш, савдо ва бошқа эҳтиёжлари учун эркин фойдаланиш имкониятлари кенгаяди.
Нақд билан тўлаш талаблари ҳамда тўлов усулига боғлиқ ҳолда нархлардаги фарқларни белгилаш (бунинг учун чегирма тақдим қилиш) кабиларга янада катта тақиқ қўйилади.
Бундан ташқари, банклар кредит карталарни фаолроқ чиқара бошлашади. Бугунги кунда пластик карталарнинг аксарияти дебет карталардир. Улар фақат эгасига тегишли бўлган ва унинг ҳисобварағига олдиндан ўтказилган (қоидага кўра, иш берувчи томонидан) маблағлардангина фойдаланиш имкониятини беради. Кредит карталар эса унинг эгасига товар ва хизматларни кейинчалик қоплаб бериш билан банкнинг ҳисобидан олишга йўл қўяди. Шу тариқа нақдинасиз ҳисоб-китоблардан фойдаланиш учун қўшимча рағбатлантирувчи омил юзага келади.
Лойиҳа ўзгартирилиши, қўшимчалар киритилиши ёки рад этилиши мумкин.
Самир Латипов,
экспертимиз
Янги сонларда ўқинг
- Қишлоқ хўжалиги маҳсулотларини экспорт қилиш бўйича республика комиссияси тузилди
- Бош бухгалтернинг касаллиги ва солиқ текширувлари
- Якка тартибдаги тадбиркор солиқ солиш тизимини қандай ўзгартириши мумкин
- Сув ресурсларидан фойдаланганлик учун солиқнинг бўнак тўловлари
- «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида»
- Ўзига бўлган ишонч иш муносабатларига қандай таъсир кўрсатади
- «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида»
- Дам олиш кунида ишга қабул қилишни расмийлаштириш мумкинми
- «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»
- «Тошкент шаҳрида «Тошкент инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида»