3.09.1993 йилдаги ЎРҚ-938-ХII-сон «Фуқароларнинг давлат пенсия таъминоти тўғрисида»ги Қонунда пенсия тайинланишини сўраб мурожаат этиш муддатлари қисқартирилди.
- www.norma.uz
- Қонунчиликдаги янгиликлар
- Пенсия учун барвақт мурожаат этинг
Пенсия учун барвақт мурожаат этинг
29.12.2016
Киритилган тузатишларга кўра, пенсия тайинланишининг қуйидаги тартиби белгиланган:
- ёшга доир пенсия – агар пенсия олиш ҳуқуқи пайдо бўлган кундан бошлаб 60 кун (илгари – уч ой) ичида уни сўраб мурожаат этилган бўлса, пенсия ёшига тўлган кундан эътиборан тайинланади;
- ногиронлик пенсияси – агар ногиронлик белгиланган кундан бошлаб 60 кун (илгари - уч ой) ичида пенсия сўраб мурожаат этилган бўлса, ТМЭК ногиронликни белгилаган кундан эътиборан тайинланади.
Бу муҳим! Бошқа барча ҳолатларда пенсия мурожаат этилган кундан бошлаб тайинланади.
Бундан ташқари, пенсионер вафот этиши муносабати билан олинмай қолган пенсияни тўлаш ва дафн этиш учун нафақа тўлаш энди пенсионер вафот этганидан кейин 60 кун (илгари - 6 ой) ичида мурожаат этилган тақдирда тўланади.
Тегишли ўзгартиришлар 27.12.2016 йил ЎРҚ-417-сон Қонун билан киритилди ва 1.01.2017 йилдан кучга киради.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег ЗАМАНОВ,
экспертимиз
Янги сонларда ўқинг
2024, 23 апрель№ 17
- Давлат мулкини хусусийлаштириш бўйича янги дастур
- «Ўзбекистон Республикасининг Божхона кодексига божхона тартиб-таомилларини янада такомиллаштиришга қаратилган ўзгартириш ва қўшимчалар киритиш тўғрисида»
- Солиқ солиш мақсадларида мулкий даромадлар
- Материалларни устав фондига ҳисса сифатида бериш қандай ҳисобга олинади
- Текин олинган номоддий активларни ҳисобга олиш тартиби