Вазирлар Маҳкамасининг «Соя экинини етиштириш ва аҳолининг соя ўсимлик мойига бўлган эҳтиёжини тўлақонли қондириш чора-тадбирлари тўғрисида»ги қарори лойиҳаси қонун ҳужжатлари таъсирини баҳолаш тизими порталида эълон қилинди.
- www.norma.uz
- Қонунчиликдаги янгиликлар
- Ўзбекистон кенг миқёсда соя етиштиришни бошлайди
Ўзбекистон кенг миқёсда соя етиштиришни бошлайди
13.02.2017
Ҳужжатда 2017-2021 йилларда соя экиш майдонларини босқичма-босқич кўпайтириб борилиши назарда тутилган. Шу муддат мобайнида асосий экин тариқасида уни етиштириш учун ҳаммаси бўлиб 92 266 гектар майдон ажратилиши мумкин, такрорий экин сифатида у 40 557 гектар ерга экилади.
Қишлоқ ва сув хўжалиги вазирлиги, Адлия вазирлиги, “Ергеодезкадастр” давлат қўмитаси, Ўзбекистон фермерлар Кенгаши, “Ўзпахтаёғ” АЖга Қорақалпоғистон Республикаси Вазирлар Кенгаши, вилоятлар ва туманлар ҳокимликлари билан биргаликда бир ой муддатда:
- соя экини экиладиган майдонларни фермер хўжаликлари ва контурлар кесимида аниқлаш ҳамда соя уруғлигини етиштиришга ихтисослашган уруғчилик фермер хўжаликларини белгиланган тартибда танлаб олиш;
- соя етиштирувчи фермер хўжаликлари ва ёғ-мой корхоналари ўртасида соя етиштириш бўйича контрактация-шартномаларини тузиш ва рўйхатдан ўтказиш вазифалари юклатилади.
Қишлоқ ва сув хўжалиги вазирлиги, Қишлоқ хўжалиги илмий-ишлаб чиқариш маркази ва “Ўзпахтаёғ” АЖга 2 ой муддатда республика ҳудудларининг тупроқ-иқлим шароитларига мос соя навларини жойлаштириш ва парваришлаш агротехникаси бўйича илмий асосланган тавсияларни ишлаб чиқиш ва жойларга етказиш ҳамда давлат органлари вакиллари билан биргаликда соя етиштирувчи фермер хўжаликларига сояни экиш ва етиштириш агротехникаси бўйича ўқув амалий семинарларини ташкил этиш топширилди.
Кенг қамровли лойиҳани молиялаштиришга тижорат банклари жалб этилади. Улар ёғ-мой корхоналарига МБнинг қайта молиялаштириш ставкасидан ортиқ бўлмаган ставка бўйича умумий ҳажми 36,551 млрд. сўмлик имтиёзли кредитлар ажратишади. Ушбу пуллар фермер хўжаликларига бўнак тўловлари сифатида 2017 йилнинг март ойигача тўланади.
Лойиҳа ўзгартирилиши, қўшимчалар киритилиши ёки рад этилиши мумкин.
Самир Латипов,
экспертимиз.
Мавзуга оид материал:
4 миллиондан зиёд оила лимонарий ва паррандачилик учун кредитлар олади
Янги сонларда ўқинг
- Қишлоқ хўжалиги маҳсулотларини экспорт қилиш бўйича республика комиссияси тузилди
- Бош бухгалтернинг касаллиги ва солиқ текширувлари
- Якка тартибдаги тадбиркор солиқ солиш тизимини қандай ўзгартириши мумкин
- Сув ресурсларидан фойдаланганлик учун солиқнинг бўнак тўловлари
- «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида»
- Ўзига бўлган ишонч иш муносабатларига қандай таъсир кўрсатади
- «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида»
- Дам олиш кунида ишга қабул қилишни расмийлаштириш мумкинми
- «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»
- «Тошкент шаҳрида «Тошкент инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида»