Президент ҳузуридаги Давлат бошқаруви академиясида 5-6 февраль кунлари «Ўзбекистон 2035» II халқаро форуми бўлиб ўтади, дея хабар қилади ЎзА.
Форумда «Буюк келажак» кенгаши экспертлари томонидан Ўзбекистонни 2035 йилгача ривожлантиришга мўлжалланган узоқ муддатли Стратегия Концепцияси лойиҳасининг муҳим иқтисодий ва сиёсий йўналишлари ҳақидаги маъруза тақдим этилади.
Айни пайтда манфаатдор идоралар «Буюк келажак» ХННТ (МННО) сайтининг «Тадбирлар» бўлимида концепция лойиҳаси материаллари билан танишишлари мумкин.
Форумдан сўнг концепция лойиҳаси келиб тушган таклифларни ҳисобга олган ҳолда қайта ишланади ва қўшимчалар киритилади ҳамда аҳоли кенг қатлами орасида, эксперт-таҳлилчилар даврасида, давлат ва жамоатчилик ташкилотлари вакиллари ўртасида жамоатчилик эшитувларидан ўтказилади. Натижаларга кўра, ҳукуматга тақдим этиш учун ҳужжатнинг якуний версияси тайёрланади.
