Ягона портал (ИДХЯП)да Ер ресурслари, геодезия, картография ва давлат кадастри давлат қўмитасининг янги хизмати амалга оширилди.
Янги хизмат Тошкент шаҳрида кўп қаватли турар-жой шаклидаги кўчмас мулк (олди-сотди, айирбошлаш, ҳадя, гаровга қўйиш, ижарага бериш ва ҳ.к.) билан боғлиқ ҳаракатларни амалга ошириш учун маълумотнома олишга Ягона портал орқали ариза юбориш имконини беради.
Хизматдан фойдаланиш учун ариза берувчи (юридик ёки жисмоний шахс) Порталдаги махсус электрон аризани тўлдириши керак. Уч иш куни мобайнида у зарур ҳужжатни қабул қилади. Маълумотнома бериш рад этилган тақдирда ариза берувчига бир иш куни мобайнида рад этиш сабаблари кўрсатилган хат юборилади.
