Марказий банк 2018 йил биринчи чорагида истеъмол товарларининг асосий турлари нархлари шарҳини эълон қилди.
Январь–март ойларида
- пиёз – 46,4%,
- тухум – 23,3%,
- шакар – 10%,
- картошка – 6,2%,
- гуруч – 4,2%,
- ўсимлик ёғи – 3,2%,
- буғдой уни – 2,2%,
- сабзи – 1,8%га арзонлашган.
Бунда гўшт нархининг ўсиши 1,1%ни ташкил этди.
Айрим ноозиқ-овқат товарлари нархи ҳам пасайган. Кийим-кечак – 4,9%, пойабзал – 3,8%, телевизорлар – 7,8%, чангюткичлар – 4,4% ва совуткичлар – 3,5%га арзонлашган.
Айирбошлаш курсининг барқарор сақланиши, шунингдек пул массаси ўсиши суръатларининг пастлиги инфляция жараёнлари тўхтатиб турилишига ва истеъмол секторидаги нархлар барқарор бўлишига замин яратди.
Биринчи чоракда айирбошлаш курси 0,5%га мустаҳкамланди, ўтган йилнинг худди шу даврида у 10%га қадрсизланган эди.
Пул массаси умуман олганда 1%га ошди (2017 йилнинг худди шу даврида – 7,6%га). Кўриб чиқилаётган даврда муомаладаги нақд пул ҳажми 2017 йилнинг биринчи чорагидаги 21%га ошиш билан солиштирганда 6%дан ортиқ миқдорда қисқарди.
