Поездга олдиндан чипта харид қилганлар учун 45%гача чегирма

Энди халқаро йўналишларда қатнайдиган йўловчи поездларига чипталарни олдиндан xарид қилиш муддатига қараб чегирмалар тақдим этилади.

Йўловчи купе ва маxсус вагонлар учун чиптани:

• поезднинг жўнаш кунидан 45-31 кун олдин xарид қилса - 45%;
• поезднинг жўнаш кунидан 30-6 кун олдин xарид қилса - 35% чегирмага эга бўлади.

Плацкарт вагонлар учун чиптани 45-31 кун олдин xарид қилганларга  35% чегирма берилади.

Бундан ташқари, чиптани поезднинг жўнаш кунидан 5 кун олдин ва ундан камроқ вақт қолганда xарид қилган йўловчилар учун чипта нархига 5% устама қўшилади.

Бу - муҳим. Мазкур чегирмалар ички йўналишлар, шунингдек, гуруҳ бўлиб йўлга чиққан йўловчиларга нисбатан татбиқ этилмайди.

Компания сайтида чипталар xарид қилишда муаммо ёки ортиқча оворагарчиликка дуч келганлар мурожаат қилиши учун телефон рақамлари келтирилган.

Фозила Ашурова, мухбиримиз.