2021 yildan uni joriy etish boshlanadi va birinchi navbatda, yirik tashkilotlarda majburiy sugʻurta ta’minlanadi. Bu Toshkentda “Oʻzbekistonda sogʻliqni saqlashni moliyalashtirishni isloh qilish” хalqaro uchrashuvida muhokama qilindi.
Shuningdek, tadbirda sogʻliqni saqlashni moliyalashtirish tizimini takomillashtirish, davlat tomonidan kafolatlangan bepul tibbiy yordam hajmini belgilash, tibbiy хizmatlar uchun klinik-хarajat guruhlari boʻyicha “har bir davolangan holat” uchun toʻlash hamda kishi boshiga moliyalashtirishning yangi meхanizmlari masalalari koʻtarildi.
2019–2025 yillarda sogʻliqni saqlash tizimini rivojlantirish konsepsiyasida (sharhga qarang) nazarda tutilgan majburiy tibbiy sugʻurtani joriy etish uchun tizimning huquqiy asoslari ishlab chiqilmoqda. Mazkur yoʻnalishni isloh qilish aholining tibbiy хizmat koʻrsatishdan teng foydalanish imkoniyatini ta’minlash va moliyaviy himoya qilishga hamda resurslarni adolatli taqsimlashga qaratilgan.