«Norma» professional rivojlanish markazida soliq solishdagi yangiliklarga bagʻishlangan seminar va oʻquv kurslarining bir turkumi ish boshladi.
– Soliq tizimida keng miqyosli islohotlar oʻtkazilishi munosabati bilan mutaхassislarda koʻplab savollar yuzaga kelmoqda, – deydi «Norma» PRM direktorining oʻrinbosari Daniya Ibatullina. – Buхgalter va tashkilot rahbarlarining koʻp sonli iltimoslarini hisobga olib, markazimiz soliqlarni hisoblashda yangi yildan kuchga kirgan oʻzgarishlarga oʻz e’tiborini qaratdi. 2019 yilning birinchi choragi uchun rejalashtirilgan aksariyat seminar va oʻquv kurslarimiz shu mavzuga bagʻishlanadi. Agar mazkur mavzularda oʻqishni istovchilar boʻlsa, seminarlarimizni davom ettirishimiz mumkin.
Yangi oʻzgartirishlarda buхgalter uchun nimalar muhim? «Soliqlar-2019. Eng muhim jihatlar» nomli birinchi seminarimizning ellik nafar ishtirokchisi soʻrovdan oʻtkazilganda, ularning har biri auditoriyaga aynan oʻzi uchun dolzarb boʻlgan masala bilan kelganligi ma’lum boʻldi.
Batafsil - buxgalter.uz saytida.
