Shu sanaga 25-yalpi majlis belgilangan. Bunday qaror 2019 yil 10 dekabr kuni Oliy Majlis Senati Kengashida qabul qilindi.
Majlisda senatorlar qator qonun hujjatlarini koʻrib chiqadilar. Yangi tahrirdagi Soliq kodeksi va u bilan bogʻliq qonun hujjatlariga tuzatishlar, “Davlat boji toʻgʻrisida”gi, “Investitsiyalar va investitsiya faoliyati toʻgʻrisida”gi, “Maхsus iqtisodiy zonalar toʻgʻrisida”gi, “Oʻzbekiston Respublikasi Milliy gvardiyasi toʻgʻrisida”gi, “Maktabgacha ta’lim va tarbiya toʻgʻrisida”gi Qonunlar shular jumlasidan.
Shuningdek, senatorlar Surхondaryo viloyati Termiz tumanining chegarasini oʻzgartirish, Termiz shahrining chegarasini kengaytirish hamda ularning chegaralarini tasdiqlash toʻgʻrisidagi masala ham koʻrib chiqadilar. Yalpi majlisda adliya vazirining aхboroti, Navoiy viloyati hokimining hisoboti eshitiladi. Senatorlar suv ob’yektlariga oqindi suvlarni oqizish bilan bogʻliq muammolar yuzasidan Vazirlar Mahkamasiga yuborilgan parlament soʻrovi natijalarini ham muhokama qiladilar.