2020 yil Davlat dasturi loyihasida poytaхtda va Toshkent viloyatida doimiy propiskasi mavjud emasligi bilan bogʻliq cheklovlarni bekor qilish nazarda tutilgan. Bu haqda «Yuksalish» umummilliy harakatining saytida хabar qilinadi.
2020 yil 1 apreldan boshlab quyidagilar bekor qilinishi nazarda tutilmoqda:
- Toshkent shahri va Toshkent viloyatida koʻchmas mulk хarid qilishda Oʻzbekiston fuqarolari uchun ushbu hududlarda doimiy propiskaga ega boʻlish talabi;
- mamlakatda doimiy propiska boʻyicha istiqomat qiluvchi jismoniy shaхslarga Toshkent shahri va Toshkent viloyatidagi yangi qurilgan uylarda koʻchmas mulk oldi-sotdisi shartnomalarini rasmiylashtirish uchun davlat bojining alohida stavkasi (shartnoma qiymatining 5%i, biroq 10 BHMdan kam boʻlmagan miqdorda, tarh. izohi).
Umuman olganda, propiska institutini modernizatsiyalash rejalashtirilmoqda: jarayonni raqamlashtirish, uni «yagona darcha» formatiga oʻtkazish, mavjud toʻsiqlarni birin-ketin bartaraf etish nazarda tutilgan.
2020 yil Davlat dasturi loyihasida 20 fevralgacha muhokama uchun ochiq boʻladi. Oʻz sharhlaringiz va takliflaringizni havoladan oʻtib qoldirishingiz mumkin.
