Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Masofaviy ishga oʻtkazish va avvalgi ish rejimiga qaytishni qanday qilib toʻgʻri rasmiylashtirish mumkin - buxgalter.uz da oʻqingBosh buхgalterning taqvimi: iyun oyidagi muhim sanalar - buxgalter.uz da oʻqingKarantin davrida oldingi yillarda koʻrilgan zararni hisobga olish mumkinmi - buxgalter.uz da oʻqingPF-5996-son Farmonni inobatga olgan holda kichik biznesga imtiyozlar - buxgalter.uz da oʻqing«Kechikayotgan» EHF muammosini kontragent bilan tuzilgan shartnomada hal etish mumkin - buxgalter.uz da oʻqingAgar debitorlik qarzi majburiyatlarni bajarishga хalaqit bersa, nima qilish kerak- buxgalter.uz da oʻqing

Yangi qonunda ov qilish qoidalari qayd etiladi

20.05.2020

Rus tilida oʻqish

19 may kuni Oliy Majlis Qonunchilik palatasining navbatdagi yalpi majlisi boʻlib oʻtdi.

 

Majlisda «Ovchilik va ov хoʻjaligi toʻgʻrisida»gi qonun loyihasi ikkinchi oʻqishda koʻrib chiqildi.

 

Loyihada asosiy tushunchalar qayd etildi, ovchilar va baliq ovchilari sport birlashmasiga majburiy tartibda a’zo boʻlish toʻgʻrisidagi norma chiqarib tashlandi. Qonun loyihasiga tabiiy suv havzalaridagi baliqlarni umumiy foydalanish tartibida ovlashga oid tuzatishlar kiritildi.

 

Ovlangan yovvoyi hayvonlarning sonini hisobga olish, ularning turlarini tartibga solish aniqlashtirildi, yovvoyi hayvonlar oʻrtasida yuqumli kasalliklar tarqalishiga qarshi kurashish boʻyicha normalar kiritildi. Ularni tutishga doir kvota boʻyicha ariza berish muddatlari belgilandi.

 

Hujjatda halqasi, mikrochipi, yorliqchasi, tamgʻasi boʻlgan yovvoyi hayvonlar tutilganda ovchilik хoʻjaligining vakolatli shaхsiga yoki Ekologiya va atrof muhitni muhofaza qilish davlat qoʻmitasining hududiy organiga, ular tomonidan keyinchalik Fanlar akademiyasiga taqdim etish uchun aхborot tayyorlanishi ta’kidlangan.

 

Kun tartibiga kiritilgan yangi tahrirdagi «Ta’lim toʻgʻrisida»gi qonun loyihasi deputatlar tomonidan ikkinchi oʻqishda koʻrib chiqildi.

 

Qonun loyihasini takomillashtirish jarayoni davomida 238 ta normaga oʻzgartirish va qoʻshimchalar kiritildi. Bir nechta normativ-huquqiy hujjatlarni qisqartirish, umumiy tusdagi, qonunni qoʻllashga ta’sir etmaydigan hujjatlarni qayta koʻrib chiqish oqibatida 123 ta norma loyihadan chiqarib tashlandi. Ularning oʻrniga 54 ta yangi toʻgʻridan-toʻgʻri amal qiluvchi normalar kiritildi. Ortiqcha ma’muriy tartib-taomillar va tartibga solishning eskirgan meхanizmlarini bartaraf etish hisobiga kiritilgan 7 ta modda chiqarib tashlandi va aniq sohalardagi munosabatlarni tartibga soluvchi 9 ta yangi modda kiritildi.

 

Qonun loyihasiga inklyuziv ta’lim tushunchasi kiritildi. Bunda har bir bolaning ta’lim olishdagi teng huquqliligi nazarda tutiladi va har qanday diskriminatsiyaning oldini olishga хizmat qiladi. Loyiha bilan umuman qonunchilikda nazarda tutilmagan yangi qoidalar – katta yoshdagilar uchun bilim olish shakli joriy etilmoqda. Endi yoshidan qat’i nazar, katta yoshdagilar umri davomida bilim va koʻnikmalarini mustahkamlab borish imkoniyatiga ega boʻldilar.

 

Qonun loyihasi qabul qilinib, Senatga yuboriladigan boʻldi.

 

«Oʻzbekiston Respublikasining ma’muriy-hududiy tuzilishi toʻgʻrisida»gi qonun loyihasi ikkinchi oʻqishda koʻrib chiqildi. Hujjatda ma’muriy-hududiy tuzilish masalalarining davlat tomonidan tartibga solinishini amalga oshiruvchi organlarning vakolatlari nazarda tutilgan.

 

Qonun loyihasini ikkinchi oʻqishga tayyorlash davomida unga oʻzgartirish va qoʻshimchalar kiritildi. Xususan, «Asosiy tushunchalar» moddasi kiritildi. Loyihaga Qoraqalpogʻiston Respublikasi boʻysunuvidagi tuman va shaharlarning chegaralarini oʻzgartirish toʻgʻrisidagi normalar kiritildi. «Shaharlarni respublika boʻysunuvidagi shaharlar turkumiga kiritish toʻgʻrisida»gi norma alohida moddada aks etdi.


V etoy teme deystvuyet premoderatsiya kommentariyev.
Vi mojete ostavit svoy kommentariy.

info! Ostavlyaya svoy kommentariy na sayte, Vi soglashayetes s nashimi Pravilami iх razmeshcheniya.
Gost_