QHTBT portalida Soliq kodeksining 275- va 290-moddalariga qoʻshimchalar kiritilishini nazarda tutuvchi qonun loyihasi e’lon qilindi.
Uy-joylarda amaldagi energiya resurslari tarmoqlaridan toʻliq uzilgan holda muqobil energiya manbalaridan foydalanadigan jismoniy shaхslarni mol-mulk soligʻi va yer soligʻidan ozod qilish koʻrinishidagi imtiyozni kiritish taklif etilmoqda.
Imtiyoz muqobil energiya manbalari oʻrnatilgan oydan boshlab 3 yil muddatga taqdim etiladi. Energiya ta’minoti tashkilotlarining tegishli ma’lumotnomasi imtiyozni qoʻllash uchun asos hisoblanadi.
Loyiha oʻzgartirilishi, qoʻshimchalar kiritilishi yoki rad etilishi mumkin.
Oleg Zamanov,
ekspertimiz.
