2018 йил 17 октябрдан бошлаб Ўзбекистон жисмоний шахслар томонидан товарларнинг 21 турини давлат чегарасининг автойўл (йўловчи), темир йўл ва дарё ўтказиш пунктлари орқали божсиз олиб кириш даврийлигини кескин оширди (ВМнинг 16.10.2018 йилдаги 828-сон қарори). Ўзгартиришлар Олиб ўтишнинг миқдор нормаларига киритилди (ВМнинг 22.06.2018 йилдаги 463-сон қарорига илова).
Эслатиб ўтамиз, биз ҳужжатнинг жамоатчилик муҳокамаси босқичида унинг шарҳини батафсил тушунтиришлар билан тайёрлаган эдик. Қабул қилинган версияси лойиҳадан мазмунан фарқ қилмайди.
Қисқача қайд этиб ўтамизки, илгари фуқаролар бир ойда бир марта чегарадош мамлакатлар билан чегара орқали маиший ва компьютер техникасидан биттадан ҳамда ошхона идишлари тўпламидан биттадан, бошқа товарларни (ҳар бир номдаги товардан 2 кг, аммо умумий оғирлик 10 кг дан ошмаслиги керак) эса – бир суткада бир марта божхона тўловларини тўламасдан олиб киришлари мумкин эди. Кўрсатилган санадан бошлаб техника ва идишлар автойўл (йўловчи), темир йўл ва дарё ўтказиш пунктлари орқали худди шундай шартларда эркин ўтказилади, фақат 6 ойда бир марта, бошқа товарлар эса – бир ойда бир марта.
Ҳужжат Қонун ҳужжатлари маълумотлари миллий базасида эълон қилинган ва 17.10.2018 йилдан кучга кирди. Самир Латипов.
Комментарии (1)
Добавить комментарийГость_Султан :
Если Вы являетесь клиентом компании Norma (подписчиком годового комплекта электронной/печатной версии газет или пользователем программного продукта "Законодательство РУз", заключившим договор на 12 месяцев), Вы можете задать вопросы экономико-правовой тематики, воспользовавшись Справочной службой «Мы отвечаем»!