Молия вазирлигининг “Аудиторнинг малака сертификатини малака имтиҳонини топширмасдан бериш ва муддатини узайтириш учун асос бўладиган бухгалтерларнинг халқаро сертификатлари рўйхатини тасдиқлаш тўғрисида”ги буйруғи лойиҳаси муҳокамага қўйилди.
Лойиҳага мувофиқ, бу қуйидаги бухгалтерларнинг халқаро сертификатлари:
- Сертификатланган дипломли бухгалтер (АCCА) сертификати;
- Сертификатланган жамоатчи бухгалтер (CРА) сертификати;
- Сертификатланган халқаро профессионал бухгалтер (CIPА) сертификати;
- Бирлашган дипломли бухгалтерлар (АCА) сертификати;
- Молия ва бизнесни бошқариш бўйича диплом (АCCА) сертификати.
Рўйхат Президентнинг 2021 йил 4 августдаги ПҚ-5210-сон “Аудиторларни сертификатлаштириш тизимини такомиллаштириш бўйича қўшимча чора-тадбирлар тўғрисида”ги қарорига мувофиқ ишлаб чиқилган.
Лойиҳа ўзгартирилиши, унга қўшимча киритилиши ёки рад этилиши мумкин.
Наргиза Воҳидова.