Маҳкамасининг 14.07.2025 йилдаги Вазирлар Маҳкамасининг "Республика ижро этувчи ҳокимият органлари ҳамда хўжалик бирлашмалари раҳбарлари ва уларнинг ўринбосарлари фаолиятининг энг муҳим самарадорлик кўрсаткичларини ишлаб чиқиш тартибини янада такомиллаштириш тўғрисида"ги 435-сон қарори қабул қилинди.
Раҳбарлар ва уларнинг ўринбосарлари фаолиятининг энг муҳим самарадорлик кўрсаткичларини (KPI) ишлаб чиқиш, уларнинг натижаларини таҳлил қилиш ва бажарилмаслик хавфининг олдини олиш бўйича таклифлар тайёрлаш учун эксперт гуруҳлари ташкил этилади.
Шунингдек, республика ижро этувчи ҳокимият органлари ва хўжалик бирлашмалари томонидан ишлаб чиқилган KPIларни давлат илмий марказлари ва бошқа манфаатдор ташкилотлар ходимларини жалб этган ҳолда экспертизадан ўтказиш тартиби жорий этилади.
Республика ижро этувчи ҳокимият органлари ва хўжалик бирлашмаларида жамоатчилик асосида эксперт гуруҳлари тузилади.
Эксперт гуруҳларининг асосий вазифалари қуйидагича белгиланди:
- "Ўзбекистон – 2030" стратегиясида кўзда тутилган мақсадлар ва давлат дастурларига мувофиқлигини ва боғлиқлигини, шунингдек, уларнинг соҳадаги мавжуд тизимли муаммоларни бартараф этишга йўналтирилганлигини ва молиялаштириш манбаларини аниқлашни ҳисобга олган ҳолда KPI кўрсаткичларини ишлаб чиқиш;
- KPI кўрсаткичлари бажарилишини доимий назорат қилиш, уларнинг бажарилмаслик хавфини олдини олиш бўйича таклифлар ишлаб чиқиш;
- KPI кўрсаткичларини ишлаб чиқишда уларнинг бюджет маблағларидан фойдаланишнинг мақсадли кўрсаткичларига мослигини инобатга олиш, шунингдек, KPI кўрсаткичлари бажарилиши натижаларини мунтазам равишда таҳлил қилиб бориш.
Вазирлар Маҳкамасининг 31.07.2024 йилдаги "Республика ва маҳаллий ижро этувчи ҳокимият органлари ҳамда хўжалик бирлашмалари раҳбарлари ва уларнинг ўринбосарлари фаолиятини энг муҳим самарадорлик кўрсаткичлари асосида баҳолашни ташкил этиш чора-тадбирлари тўғрисида"ги 463-сон қарорига тегишли ўзгартириш ва қўшимчалар киритиляпти.
Ҳужжат Қонунчилик маълумотлари миллий базасида давлат тилида эълон қилинган ва 2025 йил 15 июлдан кучга кирган.
Лола Абдуазимова
