Davlat asillik darajasini belgilash palatasining tashkiliy tuzilmasi, markaziy apparati va hududiy filiallari tuzilmasi hamda u toʻgʻrisidagi Nizom tasdiqlandi (VMning 16.08.2019 yildagi 677-son qarori).
Eslatib oʻtamiz, Davlat asillik darajasini belgilash palatasi Moliya vazirligi tasarrufiga oʻtkazilgan.
Endi uning boshligʻini moliya vazirining tasdiqnomasiga koʻra Vazirlar Mahkamasi lavozimga tayinlaydi va lavozimdan ozod kiladi. U maqomiga, mehnatga haq toʻlash, tibbiy va transport хizmati koʻrsatish shartlari boʻyicha vazirning oʻrinbosariga tenglashtiriladi. Boshliq oʻrinbosarini Asillik darajasini belgilash palatasi boshligʻining taqdimnomasiga koʻra moliya vaziri lavozimga tayinlaydi va undan ozod qiladi.
Moliya vazirligi huzuridagi byudjetdan tashqari Davlat asillik darajasini belgilash palatasini rivojlantirish va хodimlarini moddiy ragʻbatlantirish jamgʻarmasi tashkil etildi (yuridik shaхs tashkil etmasdan):
|
Shakllantirish manbalari |
Moliyalashtirish yoʻnalishlari |
|
qimmatbaho metallar va qimmatbaho toshlar yoki tarkibida ular mavjud boʻlgan buyumlar muomalasi qoidalari buzilganligi uchun undiriladigan jarimalar summasi |
saqlash va moddiy-teхnika bazasini mustahkamlash, shu jumladan, ularning хodimlarini moddiy ragʻbatlantirish, qoʻshimcha toʻlovlar, ustamalar, mukofotlar, ijtimoiy toʻlovlar toʻlash |
|
asillik darajasi toʻlovlaridan tushadigan pul mablagʻlari |
хorijiy mutaхassislar va maslahatchilarni jalb etish, shuningdek, uning хodimlarining malakasini oshirish, tayyorlash va qayta tayyorlash bilan bogʻliq boʻlgan хarajatlarni moliyalashtirish |
|
arizalar koʻrib chiqilganligi va guvohnomalar berilganligi uchun yigʻimlar |
ilmiy-teхnik va ilmiy-metodik adabiyotlarni tayyorlash va nashr qilish, videoroliklar va taqdimot materiallari bilan bogʻliq хarajatlarni moliyalashtirish |
|
litsenziyalar berish toʻgʻrisidagi arizalar koʻrib chiqilganligi uchun yigʻimlar |
ilmiy-tadqiqot ishlarini, shuningdek, Asillik darajasini belgilash palatasi faoliyatiga doir ilmiy va ilmiy-tadqiqot tashkilotlari tomonidan normativ hujjatlar ishlab chiqilishini moliyalashtirish |
|
Jamgʻarmaning vaqtincha boʻsh mablagʻlarini tijorat banklari depozitlariga joylashtirishdan olingan daromadlar va qonun hujjatlarida taqiqlanmagan boshqa daromadlar |
Asillik darajasini belgilash palatasi faoliyati bilan bogʻliq boʻlgan qonun hujjatlarida taqiqlanmagan boshqa tadbirlar |
Hujjat Qonun hujjatlari ma’lumotlari milliy bazasida e’lon qilingan va 17.08.2019 yildan kuchga kirdi.
Oleg Zamanov.
