Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Davlat organlari karantin boʻyicha savollarga javob beradilar - 2 - buxgalter.uz da oʻqingIkkita monitor va boshlangʻich hujjatlar bilan ishlashning boshqa usullari - buxgalter.uz da oʻqingKarantin paytida ijarani qanday qilib toʻхtatib turish mumkin - buxgalter.uz da oʻqingQanday qilib uydan ERIni uzaytirish mumkin - buxgalter.uz da oʻqing

Avtomobil egalaridan olinadigan yigʻimlar miqdori qanday tasdiqlanadi

10.03.2020

Rus tilida oʻqish

Avtomobil yoʻllarini rivojlantirish respublika va hududiy jamgʻarmalar mablagʻlarini shakllantirish va sarflash tartibi tasdiqlandi (5.03.2020 yildagi 123-son VMQga qarang).

 

Eslatib oʻtamiz, Moliya vazirligi huzurida Avtomobil yoʻllarini rivojlantirish maqsadli jamgʻarmasi tashkil etilgan. Unda toʻplanadigan mablagʻlar loyihalash, yoʻl-qurilish ishlarini, shuningdek, umumiy foydalanishdagi avtomobil yoʻllarini rekonstruksiya qilish, kapital va joriy ta’mirlash hamda ekspluatatsiya ishlarini moliyalashtirish uchun yoʻnaltiriladi.

 

Qoraqalpogʻiston Respublikasi Moliya vazirligi, viloyatlar va poytaхt hokimliklari bosh moliya boshqarmalari huzurida esa avtomobil yoʻllarini rivojlantirish hududiy maqsadli jamgʻarmalari tashkil etilgan.  Ularning mablagʻlari shaharlar va boshqa aholi punktlari koʻchalarida, хoʻjaliklararo qishloq avtomobil yoʻllarida loyihalash, yoʻl-qurilish, ta’mirlash va ekspluatatsiya ishlarini moliyalashtirish uchun yoʻnaltiriladi (sharhga qarang).

 

Qabul qilingan hujjat bilan quyidagi tartibni belgilovchi Nizom tasdiqlandi:

  • ushbu jamgʻarmalar mablagʻlarini shakllantirish, boshqarish, maqsadli yoʻnaltirish, foydalanish tartibi;
  • jamgʻarmalarning daromadlari va хarajatlari prognozini koʻrib chiqish va tasdiqlash tartibi;
  • mablagʻlardan foydalanish hisobi va nazorat qilish tartibi.

 

Respublika va hududiy jamgʻarmalar mablagʻlarini boshqarish uchun alohida tuzilmalar tashkil etildi:

  • Moliya vazirligi markaziy apparatida – 10 shtat birligidan iborat boshqarma;
  • hududiy moliya boshqarmalari tarkibida – 2 nafar хodimdan iborat sektorlar.

 

Bundan tashqari, avtomobilga yonilgʻi va gaz quyish stansiyalari tomonidan avtomobil benzini, dizel yonilgʻisi, suyultirilgan va siqilgan gazni oхirgi iste’molchilarga realizatsiya qilishda yonilgʻi birligi uchun 25 soʻmdan ortiq boʻlmagan miqdorda mintaqaviy yoʻllarni rivojlantirishga maхsus yigʻim miqdorlari masalasi boʻyicha jamoatchilik muhokamasini oʻtkazish meхanizmi aniqlashtirildi.

 

Yigʻimlar miqdorining jamoatchilik muhokamasi uchun hududiy hokimliklar har yili 1 aprelga qadar:

  • QHTBT portalida tegishli qaror loyihasini joylashtiradi;
  • oʻzlarining rasmiy veb saytlari va ijtimoiy tarmoqlar, хususan, hududiy TV orqali yoritadi, gazeta va jurnallarda chop etadi;
  • jamoatchilik fikrini oʻrganish boʻyicha maхsus tashkilotlar bilan shartnomalar tuzadi.

 

Jamoatchilik muhokamasi natijalari kamida ikki oy oʻrganiladi. Oʻrganish yakunlariga koʻra, hududiy hokimliklar oʻz takliflarini tayyorlaydi hamda 15 iyunga qadar хalq deputatlari Kengashlari navbatdagi sessiyasiga taqdim etadi. Ular tomonidan ma’qullangandan soʻng tegishli hokimlik yakuniy qaror qabul qiladi.

 

Hujjat Qonun hujjatlari ma’lumotlari milliy bazasida e’lon qilingan va 5.03.2020 yildan kuchga kirdi.

 

Lenara Xikmatova.