Mazkur oʻzgartirishlar 29.12.2017 yildagi OʻRQ–454-son Qonun va Prezidentning 29.12.2017 yildagi PQ–3454-son qarorida koʻzda tutilgan.
2017 yilda umumbelgilangan soliqlarni toʻlovchilar (kichik tadbirkorlik sub’yektlari, YaST va YaYeS toʻlovchilar, shuningdek notijorat tashkilotlar bundan mustasno) quyidagi toʻlovlarni toʻlashar edi:
- byudjetdan tashqari Pensiya jamgʻarmasiga majburiy ajratmalar – 1,6% stavka boʻyicha;
- Respublika yoʻl jamgʻarmasiga majburiy ajratmalar – 1,4% stavka boʻyicha;
- byudjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamgʻarmasiga majburiy ajratmalar – 0,5% stavka boʻyicha.
2018 yilning 1 yanvaridan boshlab ushbu ajratmalar yagona toʻlovga – Davlat maqsadli jamgʻarmalariga majburiy ajratmalarga birlashtirildi. U 3,2% stavka boʻyicha undiriladi.
Kelib tushgan mablagʻlar quyidagicha taqsimlanadi:
- byudjetdan tashqari Pensiya jamgʻarmasiga – 46,88%;
- Respublika yoʻl jamgʻarmasiga – 43,75%;
- Ta’lim va tibbiyot muassasalarining moddiy-teхnika bazasini rivojlantirish jamgʻarmasiga – 9,37%.
Respublika yoʻl jamgʻarmasi va (yoki) Ta’lim va tibbiyot muassasalarining moddiy-teхnika bazasini rivojlantirish jamgʻarmasiga toʻlovlar boʻyicha imtiyozlarga ega boʻlgan korхonalar majburiy toʻlovlarni davlat maqsadli jamgʻarmalariga imtiyozli – 1,5% stavka boʻyicha toʻliq byudjetdan tashqari Pensiya jamgʻarmasiga oʻtkazilgan holda toʻlashadi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Muzaffar Mirzagʻaniyev.
