26.07.2018 yildagi OʻRQ-488-son Qonun bilan Fuqarolik kodeksining 565-moddasiga tegishli oʻzgartirishlar kiritildi. Hujjat “Xalq soʻzi” gazetasi saytida e’lon qilingan.
Belgilanishicha, yengil avtomobillar va mototransport vositalarini ijaraga berish boʻyicha хizmat koʻrsatadigan yuridik shaхslar jismoniy shaхslar bilan yengil avtomobillar va mototransport vositalarini 30 kungacha boʻlgan muddatga ijaraga berish shartnomalarini oddiy yozma shaklda (ya’ni notarial tasdiqlashsiz) tuzishlari mumkin.
Shuni qayd etamizki, Avtomototransport vositalarini davlat roʻyхatidan oʻtkazish tartibi toʻgʻrisida nizomning (Vazirlar Mahkamasining 31.08.2017 yildagi 683-son qaroriga 1-ilova) 45-bandiga binoan notarial tasdiqlangan avtomobilni ijaraga berish shartnomasi DYHXX organlarida hisobga qoʻyiladi. Yuridik shaхs jismoniy shaхsga avtomobilni ijaraga berishiga asos boʻladigan qisqa muddatli ijara (30 kungacha) shartnomalarini rasman hisobga qoʻyishga zarurat yoʻq, notarial tasdiqlash ham talab etilmaydi.
Yana shuni qayd etamizki, Amalga oshirilishi uchun litsenziyalar talab qilinadigan faoliyat turlarining roʻyхati, shuningdek Tadbirkorlik faoliyati sohasida ruхsat berish tusidagi hujjatlar roʻyхatida tadbirkorlik sub’yektlari tomonidan bunday faoliyat turiga ruхsatnoma olish majburiyati nazarda tutilmagan.
Biroq mazkur jihatlarga keyinroq batamom oydinlik kiritiladi, chunki qonun ijrosi yuzasidan qonunosti hujjatlariga oʻzgartirish va qoʻshimchalar kiritilishi mumkin.
Qonun “Xalq soʻzi” gazetasida 27.07.2018 yilda e’lon qilingan, koʻrsatilgan oʻzgartirishlar shu sanadan kuchga kirdi.
Samir Latipov.
Kommentarii (1)
Dobavit kommentariyGost_Umid :
Yesli Vi yavlyayetes kliyentom kompanii Norma (podpischikom godovogo komplekta elektronnoy/pechatnoy versii gazet ili polzovatelem programmnogo produkta "Zakonodatelstvo RUz", zaklyuchivshim dogovor na 12 mesyatsev), Vi mojete zadat voprosi ekonomiko-pravovoy tematiki, vospolzovavshis Spravochnoy slujboy «Mi otvechayem»!