Parvozlar хavfsizligini nazorat qilish davlat inspeksiyasi boshligʻining buyrugʻi (roʻyхat raqami 2416-2, 2017 yil 11 sentyabr) bilan Yoʻlovchining havo kemasi ichidagi yurish-turish qoidalariga qoʻshimchalar kiritildi.
Belgilanishicha, yoʻlovchi tomonidan havo kemasi (HK) ichida yurish-turish qoidalari buzilgan taqdirda, HK ekipaji a’zolari tomonidan bu haqda dalolatnoma rasmiylashtiriladi (hujjatda keltirilgan shaklda) hamda uni tuzgan HK ekipaji a’zolari, qoidabuzar yoʻlovchi tomonidan imzolanadi. Agar qoidabuzar yoʻlovchi dalolatnomani imzolashdan bosh tortsa, unga bu haqda yozib qoʻyiladi. Qoidabuzar yoʻlovchi dalolatnomaning mazmuni yuzasidan dalolatnomaga ilova qilinadigan tushuntirishlarini berishga, shuningdek unga imzo chekishdan bosh tortish sabablarini bayon etishga haqli.
2017 yil 18 sentyabrda kuchga kirdi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
«Oʻzbekiston Respublikasi qonunchiligida yangi» sharhini
ekspert-yuristimiz Sardor JUMAShOV
tayyorladi.
