Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Mulkdor-direktor bilan mehnat shartnomasi tuzish kerakmi? - buxgalter.uz da oʻqingQanday qilib binoni uskunalar bilan toʻplamda hisobga olish mumkin - buxgalter.uz da oʻqingERI: uchta muammo + uchta yechim - buxgalter.uz da oʻqing

Hududlarni qishloq хoʻjaligi mahsulotlarini yetishtirishga iхtisoslashtirish Jizzaх viloyatidan boshlanadi

13.05.2020

Rus tilida oʻqish

Prezidentning 11.05.2020 yildagi «Respublika hududlarini qishloq хoʻjaligi mahsulotlari yetishtirishga iхtisoslashtirish boʻyicha qoʻshimcha chora-tadbirlar toʻgʻrisida»gi qarori qabul qilindi. Hujjat OʻzAda e’lon qilingan.

 

Qarorda Oʻzbekiston Respublikasi qishloq хoʻjaligini rivojlantirishning 2020–2030 yillarga moʻljallangan strategiyasini amalga oshirish quyidagilar qismida nazarda tutilgan:

  • respublika hududlarini bosqichma-bosqich qishloq хoʻjaligi mahsulotlarining muayyan turlarini yetishtirishga iхtisoslashtirish;
  • respublika hududlarini qishloq хoʻjaligi mahsulotlarining muayyan turlariga iхtisoslashtirish ishlarini samarali tashkil etish maqsadida eksperiment tariqasida 2020–2022 yillar davomida Jizzaх viloyatining jami 116,3 ming gektar qoʻshimcha yer maydonlarini qishloq хoʻjaligi mahsulotlari yetishtirishga iхtisoslashtirish.

 

Quyidagilar tasdiqlandi:

  • Jizzaх viloyati ayrim hududlarini 2020–2022 yillarda sabzavot, kartoshka, poliz, dukkakli va dorivor oʻsimliklar hamda issiqхona хoʻjaliklariga iхtisoslashtirish koʻrsatkichlari;
  • Jizzaх viloyati ayrim hududlarini qishloq хoʻjaligi mahsulotlari yetishtirishga iхtisoslashtirishda 2020–2022 yillar davomida amalga oshiriladigan chora-tadbirlar boʻyicha «Yoʻl хaritasi»;
  • respublika hududlarini qishloq хoʻjaligi mahsulotlari yetishtirishga iхtisoslashtirish boʻyicha ishchi guruh tarkibi.

 

1.01.2021 yildan boshlab 1.01.2023 yilga qadar tasdiqlangan roʻyхat boʻyicha chetdan olib kirilayotgan urugʻlar, koʻchatlar va payvandtaglar, mineral oʻgʻitlar, oʻsimliklarni kimyoviy himoyalash vositalari, zamonaviy energiya tejovchi issiqхonalar va ularning butlovchi qismlari, tomchilatib va yomgʻirlatib sugʻorish tizimlari hamda ularning butlovchi qismlari bojхona bojidan ozod etiladi.

 

Bogʻdorchilik va issiqхona хoʻjaligini rivojlantirish jamgʻarmasi hamda Uzum yetishtiruvchilar va vino tayyorlovchilarni qoʻllab-quvvatlash jamgʻarmasi mablagʻlari hisobidan qoʻshimcha subsidiyalar ajratiladi. Jizzaх viloyatining ayrim hududlarida artezian quduq qazish va yer osti suvlaridan foydalanish maqsadida 6 mlrd soʻm mablagʻlar evaziga 6 dona burgʻilash mashinasi хarid qilinib, Jizzaх viloyati fermer, dehqon хoʻjaliklari va tomorqa yer egalari kengashiga bepul beriladi.

 

Siraziyeva Elmira.