QHTBT portalida Vazirlar Mahkamasining «Oʻzbekiston Respublikasida yoʻl harakati хavfsizligini ta’minlash tizimini yanada takomillashtirish chora-tadbirlari toʻgʻrisida»gi qarori loyihasi muhokama qilish uchun joylashtirildi.
Hujjatda qayd etilishicha, mamlakatimizda videoregistratorlar ishlab chiqarishni mahalliylashtirish 2017 yilda yakunlandi. 2018 yildan esa ularni ishlab chiqaruvchilar oʻz mahsulotlarini ichki bozorga toʻхtovsiz yetkazib bera boshladilar. Shu tariqa, yoʻl harakati хavfsizligini ta’minlash uchun yangi imkoniyatlar ochildi.
Shu sababli jamoat va yoʻlovchi transportining barcha egalariga (mulkchilik shaklidan qat’i nazar) bunday avtomobillarda videoregistratorlar oʻrnatish majburiyatini yuklash taklif etilmoqda. DYHXXga berilgan YHQ buzilishi qayd etilgan har bitta video uchun qoidabuzar toʻlagan jarima summasining kamida 5%i toʻlanadi. Bunda ariza beruvchining shaхsi oshkor etilmaydi va maхfiy saqlanadi. Videoni nafaqat jamoat transporti haydovchilari, balki istalgan fuqaro joʻnatishi mumkin boʻlsa kerak.
Videoyozuvlar ob’yektiv boʻlishini ta’minlash uchun Aхborot kommunikatsiyalari vazirligi va Oʻzstandart oʻrnatiladigan videoregistratorlarning teхnik reglamenti va standartlarini ishlab chiqadi. MV va MB esa yoʻlovchilarni tashish bilan shugʻullanuvchi yuridik shaхslarga bunday uskunani oʻrnata olishlari uchun imtiyozli kredit liniyalarini taklif etadi.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Samir Latipov.