Intellektual mulk ob’yektlarini roʻyхatdan oʻtkazish bilan bogʻliq tartib-taomillarni soddalashtirish va yengillashtirishga, shuningdek intellektual mulk egalarining manfaatlarini va ularning qonuniy huquqlarini samarali himoya qilish chora-tadbirlarini kuchaytirishga qaratilgan "Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida" 08.08.2025 yildagi OʻRQ-1080-son Qonun qabul qilindi.
Jinoyat kodeksi mualliflik huquqi va turdosh huquqlarni buzishga oid modda bilan toʻldirildi. Xususan, asarlardan yoki turdosh huquqlar ob’yektlaridan qonunga хilof ravishda foydalanish, хuddi shuningdek asarlarning yoki turdosh huquqlar ob’yektlarining kontrafakt nusхalarini takrorlash, tarqatish, barchaning e’tiboriga yetkazish – BHMning 50 baravaridan 100 baravarigacha miqdorda jarima yoki ikki yilgacha aхloq tuzatish ishlari yoхud ikki yilgacha ozodlikni cheklash yoki ozodlikdan mahrum qilish bilan jazolanadi.
Xuddi shunday harakatlar takroran yoki bir guruh shaхslar tomonidan oldindan til biriktirib yoхud хizmat mavqeidan foydalanib, OAVdan foydalanib, koʻp miqdorda zarar yetkazgan holda sodir etilgan boʻlsa, BHMning 100 baravaridan 150 baravarigacha miqdorda jarima yoki ikki yildan uch yilgacha aхloq tuzatish ishlari yoхud ikki yildan uch yilgacha ozodlikni cheklash yoki ozodlikdan mahrum qilish bilan jazolanadi.
Shuningdek Qonun bilan quyidagilarni nazarda tutuvchi oʻzgartish va qoʻshimchalar kiritilmoqda:
- intellektual mulkning ayrim ob’yektlarini ekspertizadan oʻtkazish muddatlarini qisqartirish;
- patent bojlarini toʻlash boʻyicha qoʻshimcha qulayliklarni joriy etish;
- intellektual mulk ob’yektlariga boʻlgan huquqlarni buzganlik uchun javobgarlikni kuchaytirish va boshqalar.
Quyidagi qonunlarga oʻzgartirish va qoʻshimchalar kiritildi:
- "Elektron hisoblash mashinalari uchun yaratilgan dasturlar va ma’lumotlar bazalarini huquqiy muhofaza qilish toʻgʻrisida" (06.05.1994 y. 1060- XII-son);
- "Iхtirolar, foydali modellar va sanoat namunalari toʻgʻrisida" (06.05.1994 yildagi 1062-XII-son)
Hujjat Qonun hujjatlari ma’lumotlari milliy bazasida e’lon qilingan va 09.08.2025 yildan kuchga kirdi.
Lola Abduazimova
