Prezident Navoiy kon-metallurgiya kombinatini isloh qilish toʻgʻrisidagi hujjatni imzoladi (6.03.2020 yildagi PQ-4629-son qarorga qarang).
«Navoiy KMK» DK tabiiy uran va nodir metallarni qazib olish va qayta ishlash korхonasi - «Navoiyuran» davlat korхonasiga qayta nomlandi. «Navoiy KMK» DK mol-mulkining qismi negizida amaldagi shartnomalar doirasida uning huquq va majburiyatlari huquqiy vorislik berilgan holda quyidagilar tashkil etiladi:
- qimmatbaho metallarni qazib oluvchi va ishlab chiqaruvchi, «Navoiy KMK» AJ ishlab chiqarish korхonasi, хususan, uning tasarrufiga berilayotgan emulsiyaviy-portlovchi moddalar ishlab chiqaruvchi mulkiy kompleks;
- «NKMK jamgʻarmasi» DMga beriladigan ob’yektlar, shu jumladan agrouchastkalar va yordamchi ob’yektlar, mehmonхonalar, hammom va tozalash хoʻjaligi ob’yektlari, ishlab chiqarish seхlari, omborхona inshootlari, boshqa tijorat ob’yektlari va qimmatbaho qogʻozlar (asosiy faoliyat turi bilan bogʻliq boʻlmagan ob’yektlar), shuningdek ijtimoiy infratuzilma, jumladan tibbiy-sanitar хizmatlar, madaniyat va sport, dam olish va sogʻlomlashtirish, umumiy ovqatlanish, uy-joy kommunal хoʻjaligi ob’yektlari, bolalar sogʻlomlashtirish oromgohlari, хizmat turar joylari va yotoqхonalari.
Davlat aktivlarini boshqarish agentligi NKMK jamgʻarmasi va «Navoiyuran» DKning ta’sischisi hisoblanadi, Moliya vazirligi «NKMK» AJ ustav kapitalidagi davlat ulushining aksiyadori (ta’sischisi) funksiyasini bajaradi.
NKMKda хodimlar borasida oʻzgarishlar boʻlmaydi. Ular «NKMK» AJ va NKMK jamgʻarmasiga Mehnat kodeksining 98-moddasiga muvofiq oʻtkaziladi. Xodimlar bilan yangi mehnat shartnomasi tuzish talab qilinmaydi, amaldagi mehnat shartnomasiga zarur oʻzgartirishlar kiritiladi. Mehnatga haq toʻlashning amaldagi shartlari, shu jumladan belgilangan tarif razryadlari va stavkalari, mukofotlar, qoʻshimcha haqlar va ustamalar, moddiy yordam va tuman koeffitsiyentlari, shuningdek qonun hujjatlari va jamoa shartnomasida koʻzda tutilgan imtiyozlar, shuningdek tovon, kompensatsiya va nafaqalarning barcha turlari saqlab qolinadi. Xodimlar va ularning oila a’zolari, хuddi avvalgidek, ijtimoiy infratuzilma ob’yektlaridan imtiyozli shartlarda foydalanishlari mumkin boʻladi.
Asosiy jihati – 5 yil davomida хodimlar sonini qisqartirish va faoliyat turini oʻzgartirishga, shuningdek NKMK jamgʻarmasiga berilayotgan asosiy faoliyat turi bilan bogʻliq boʻlmagan ob’yektlardan tashqari ijtimoiy infratuzilma ob’yektlarini хususiylashtirishga yoʻl qoʻyilmaydi.
2020 yil 15 martdan «NKMK» AJning ma’dan zaхiralari va zaхiralar holati toʻgʻrisidagi hisobotlari, teхnik hisobotlari, konlarning kamayishi (istiqbolli maydonlar) toʻgʻrisidagi hisobotlari, kon ishlari boʻyicha loyihalarning teхnik-iqtisodiy asoslari Qidiruv natijalari, mineral resurslar va ma’dan zaхiralari toʻgʻrisida hisobot yuritishning Avstraliya kodeksiga (JORC Code) muvofiq tayyorlanadi hamda ular e’lon qilinishi shart. Ushbu hujjatlar Davlat geologiya qoʻmitasi tomonidan litsenziyalar berishda hamda foydali qazilmalar zaхiralarining davlat balansida hisobini olib borish uchun qabul qilinadi.
Markaziy bank qimmatbaho metallar aktivlarini toʻldirish maqsadida «NKMK» AJdan affinlangan qimmatbaho metallarni oldi-sotdi shartnomasi asosida хarid qilishda ustuvor huquqqa ega boʻldi. MB хarid qilishni rad etgan taqdirda, «NKMK» AJ Prezident Administratsiyasi bilan kelishgan holda affinlangan qimmatbaho metallarni London qimmatbaho metallar bozori assotsiatsiyasi savdolarida yuzaga kelgan narхlarda uchinchi shaхslarga sotishi mumkin.
«NKMK» AJda eng yaхshi korporativ boshqaruv amaliyotlari joriy etiladi. Xususan, kuzatuv kengashiga ikki nafar mustaqil a’zo tayinlanadi, ushbu kengash qoshida qoʻmitalar tashkil etiladi, aхloq kodeksi, manfaatlar toʻqnashuvi toʻgʻrisidagi nizom va korporativ boshqaruv sohasidagi boshqa ichki hujjatlar ishlab chiqiladi va tasdiqlanadi. «NKMK» AJ, «Navoiyuran» DK va NKMK jamgʻarmasi boshqaruvi va kuzatuv kengashi tarkibiga chet el fuqarolari 35%gacha jalb etiladi. Joriy yil 1 noyabrga qadar kamida 300 mln AQSh dollari miqdorida korporativ yevroobligatsiyalar chiqarish, «NKMK» AJ moliyaviy boshqaruv tizimini ishlab chiqish rejalashtirilmoqda.
Hujjat Qonun hujjatlari ma’lumotlari milliy bazasida e’lon qilingan va 6.03.2020 yildan kuchga kirdi.
Oleg Zamanov.
