Oliy oʻquv yurtlari bitiruvchilarning ishga joylashishi toʻgʻrisida hisobot beradilar

2019/2020 oʻquv yili boshiga oliy ta’lim muassasasi statistika hisobotining yangi shakli tasdiqlandi (roʻyхat raqami 3083-3, 4.09.2019 yil).

«Kunduzgi ta’lim shaklidagi bakalavriat talabalarining kurslar,
ta’lim yoʻnalishlari boʻyicha taqsimoti» yillik hisobot shaklining 1-boʻlimiga tuzatishlar kiritildi. Quyidagilar ham koʻrsatilishi lozim:

• toʻlov-kontrakt asosida oʻqigan bakalavriat bitiruvchilarining nechtasi egallagan bilimlari yoki oʻхshash ta’lim yoʻnalishi boʻyicha ishga joylashganligi, shuningdek boshqa faoliyat sohasiga ishga joylashganlar soni;
• grant asosida oʻqigan va ishga yoʻllanma olgan bakalavriat talabalarining nechtasi berilgan yoʻllanma boʻyicha ishga joylashganligi.

Hujjat Qonun hujjatlari ma’lumotlari milliy bazasida e’lon qilingan va 4.09.2019 yildan kuchga kirdi.

Lenara Xikmatova.