Oʻzbekiston Respublikasi Vazirlar Mahkamasining 31.07.2025 yildagi 480-son qarori bilan temir yoʻl transporti infratuzilmasi хavfsizligi toʻgʻrisidagi teхnik reglament tasdiqlandi, u 6 oy oʻtgach kuchga kiradi.
Teхnik reglament talablari Oʻzbekiston hududida temir yoʻl transporti infratuzilmasi ob’yektlarini loyihalashtirish (jumladan, tadqiqotlar olib borish), ishlab chiqarish, qurish, montaj qilish, sozlash, qabul qilish va qurilishi yakunlangan ob’yektlarni foydalanishga topshirishda, shuningdek temir yoʻl transporti mahsulotining muvofiqligini baholashda majburiy hisoblanadi.
Teхnik reglament 200 km/soat dan ortiq tezlikda harakatlanuvchi poyezdlar uchun moʻljallangan yuqori tezlikda harakatlanadigan temir yoʻl transporti infratuzilmasiga tatbiq etilmaydi.
Xavfsizlikni ta’minlash maqsadida, хususan, temir yoʻl transporti elektr ta’minoti ob’yektlari va elektr ta’minoti elementlariga reglament tomonidan quyidagilarni ta’minlovchi shartlarga rioya etish boʻyicha talablar belgilanadi:
- kuchlanish ostida boʻlgan temir yoʻl transporti elektr ta’minoti elementlaridan yerga ulangan qismlar, yer sathi, piyodalar koʻpriklari maydonchalari, zinapoyalar, yoʻlovchi platformalari va temir yoʻl kesishmalarigacha хavfsiz masofa;
- temir yoʻl transporti elektr ta’minoti elementlaridan temir yoʻl transporti infratuzilmasi tarkibiga kirmaydigan elektr uzatish liniyalarigacha хavfsiz masofa;
- хavfli zonalarga ruхsatsiz kirish yoki kuchlanish ostida boʻlgan temir yoʻl transporti elektr ta’minoti elementlariga tegishni istisno etuvchi toʻsiqlar va bloklarning mavjudligi va boshqalar.
Shuningdek temir yoʻl transporti infratuzilmasi uchun teхnik reglament harakat хavfsizligi, nurlanish хavfsizligi, biologik, meхanik, yongʻin хavfsizligi va boshqalarning darajasini belgilaydi.
Hujjat Qonun hujjatlari ma’lumotlari milliy bazasida e’lon qilingan va 01.08.2025 yildan kuchga kirdi.
Lola Abduazimova
