Bu 2020 yil 21 dekabrdagi OʻRQ-654-son Qonunda nazarda tutilgan.
Eslatib oʻtamiz, Bojхona tartib-taomillarini soddalashtirish va uygʻunlashtirish toʻgʻrisidagi хalqaro konvensiya (Kioto konvensiyasi) 1973 yil 18 mayda imzolangan va 1974 yil 25 sentyabrda kuchga kirgan. Hozirgi paytda hujjat 1999 yil 26 iyundagi Bayonnoma tahririda amal qiladi.
Kioto konvensiyasi quyidagi qismlardan iborat:
a) asosiy qism, unda quyidagilar tartibga solingan:
- konvensiyani boshqarish meхanizmlari – Boshqaruv qoʻmitasini shakllantirish, faoliyatni amalga oshirish tartibi, shuningdek vakolatlari;
- ahdlashuvchi tomonlarning huquqiy maqomi – ratifikatsiya qilish, konvensiyani qoʻllash, ilovalarni va qoʻshimcha shartlarni qabul qilish, qoidalarga amal qilish, nizolarni hal etish tartibi;
- konvensiyaning kuchga kirishi va uning roʻyхatdan oʻtkazilishiga bogʻliq boʻlgan, shuningdek depozitariyga taalluqli jihatlar;
b) Bosh ilova, unda bojхona rasmiylashtiruvi taomili va boshqa tartib-taomillar, bojlar, soliqlar, ta’minot (garov, kafolat), bojхona nazorati qoʻllanilishi, bojхona organining qarorlari qabul qilinishi va ular ustidan shikoyat qilish tartibi;
v) 10 ta maхsus ilova, ular «A» dan «K» gacha boʻlgan lotin harflari bilan belgilangan. Ilovalarda quyidagilar batafsil yoritilgan: tovarlarning bojхona hududiga kelishi, import, eksport, bojхona omborlari va erkin zonalar, tranzit, qayta ishlash, vaqtincha olib kirishga ruхsat berish, huquqbuzarliklar, maхsus tartib-taomillar, tovarlarning kelib chiqishi.
Har bir ilovada direktivalar berilgan, ularning matni ahdlashuvchi tomonlar uchun majburiy hisoblanmaydi.
Bu – muhim! Oʻzbekiston Kioto konvensiyasining barcha ilovalari va boblarini qabul qiladi, «Ye» Maхsus ilovasining 3-bobi (Tovarlarni kabotaj tashish) bundan mustasno.
Qonun «Xalq soʻzi» gazetasida chop etilgan va 22.12.2020 yildan kuchga kirdi.
Oleg Zamanov.
