Президентнинг 17.11.2017 йилдаги ПҚ-3394-сон Ўзбекистон Республикаси Қуролли Кучларида ёшларга оид давлат сиёсати самарадорлигини янада оширишга доир қўшимча чора-тадбирлар тўғрисидаги қарори имзоланди. Бу ҳақда Ёшлар иттифоқи раиси ўзининг Facebook даги саҳифасида хабар берди.
Хабарда маълум қилинишича:
- ҳарбий қисмларда ёшлар ҳимоячиси – Ёшлар иттифоқи бошланғич ташкилотининг етакчиси сайланади;
- ҳарбийлар Ёшлар иттифоқининг тавсияномасига биноан уй-жой билан таъминланади;
- Ёшлар иттифоқи тавсияномасини олган муддатли ҳарбий хизмат аскарлари олий таълим муассасаларига ўқишга имтиҳонсиз, давлат гранти асосида қабул қилинади;
- Ёшлар иттифоқи тавсияномасини олган Темурбеклар мактаби битирувчилари Қуролли Кучлар тизимидаги олий таълим муассасаларига давлат гранти асосида қабул қилинади.