Қонунчиликни бузаётганлар юзасидан материаллар ҳуқуқни муҳофаза қилиш органларига юборилади, дея хабар қилди Бандлик ва меҳнат муносабатлари вазирлиги.
Республикада тегишли лицензияга эга 61 та хусусий бандлик агентлиги мавжуд.
Меҳнат вазирлигининг хабарига кўра, уларнинг баъзилари ишга жойлаштириш учун фуқаролардан олдиндан 100% тўловни талаб қилмоқдалар, бироқ тўлов амалга оширилгандан кейин тўланган хизматни кўрсатмаётирлар. Пуллар қайтарилмаяпти ёки тўлиқ бўлмаган ҳажмда қайтарилмоқда, гарчи ишга жойлаштириш бўйича хизмат кўрсатилмаган бўлса ҳам.
“Хусусий бандлик агентликлари тўғрисида”ги Қонуннинг 20-моддаси ва Ўзбекистон Республикасидан ташқарида иш излаётган шахсларни ишга жойлаштириш бўйича фаолиятни лицензиялаш тартиби тўғрисидаги низомга мувофиқ, фуқароларнинг қонуний ҳуқуқ ва манфаатларини таъминлаш мақсадида вазирлик айрим хусусий бандлик агентликларининг фаолиятини текширишни режалаштираётир. Уларнинг рўйхати – бу ерда.
Текшириш натижалари бўйича қонунни бузган хусусий бандлик агентликларининг лицензияларини тўхтатиб туриш, тугатиш, бекор қилиш тўғрисидаги масала ҳал қилинади. Бунда Низом ва лицензия битими талабларини бузганлар ҳақидаги тўпланган ҳужжатлар ва материаллар ҳуқуқни муҳофаза қилиш органларига юборилади.
