Вазирлар Маҳкамасининг 07.10.2021 йилдаги “Аҳолини асосий турдаги озиқ-овқат маҳсулотлари билан кафолатли таъминлаш ва ички бозорда нархлар барқарорлигини сақлашга доир қўшимча чора-тадбирлар тўғрисида”ги 627-сон қарори қабул қилинди.
Қарорга асосан қуйидаги товарлар 2022 йил 1 майга қадар божхона божидан озод қилинади:
|
Товар |
ТИФ ТН коди |
|
бананлар, плантайнлар (янги ёки қуритилган) |
0803 |
|
янги ёки қуритилган финикилар, анжир, ананаслар, авокадо, гуайява, манго ва мангостан ёки гарциния |
0804 |
|
янги ёки қуритилган цитрус мевалар |
0805 |
|
янги папайя |
0807 20 000 0 |
|
янги олма, нок ва беҳи |
0808 |
|
киви |
0810 50 000 0 |
Тикланиш ва тараққиёт жамғармаси $32,8 млн эквивалентида миллий валютада ҳамда Молия вазирлиги 200 млрд сўм миқдордаги маблағларни тижорат банкларига (уларнинг сўровларига асосан) 2022 йил 1 июлга қадар қайтариш шарти билан фоизсиз депозитга жойлаштиради. Кредитлар тижорат банклари томонидан корхоналарга ликвидли гаров таъминоти асосида ўсимлик ёғи, картошка, гўшт (мол, қўй, парранда гўшти), музлатилган балиқ импорти учун йиллик 4%лик ставкада ажратилади.
Шунингдек, қарор билан гўшт (мол, қўй, товуқ), тирик ҳайвонлар (қорамол ва парранда) ва уларни сўйиш маҳсулотларини, картошка ҳамда музлатилган балиқни Ўзбекистонга олиб кириш, шунингдек, уларни реализация қилиш бўйича айланмаларини ҚҚСдан озод қилишни назарда тутувчи қонун лойиҳасини ишлаб чиқиш назарда тутилган.
Ҳужжат Қонун ҳужжатлари маълумотлари миллий базасида эълон қилинган ва 08.10.2021 йилдан кучга кирди.
Лола Абдуазимова.
