Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz:Как изменялись матпомощь и НДФЛ в 2021 году Внимание! Успейте подать заявку на дистанционный экзамен ДипИФР до 22 октября 2021 года Как работать без функционала по отправке ЭСФ на импорт услуг и для комиссионеров Какие компенсационные выплаты включаются в доходы в виде оплаты труда Налоговые последствия импорта услуг: НДС

Солиқ ҳисоботини ўз вақтида тақдим этмаганлик учун санкциялар бекор қилинади

08.09.2021

Читать на русском языке

Президент томонидан 7 сентябрь куни “Солиқ мажбуриятларини бажаришда тадбиркорлик субъектларига янада қулай шарт-шароитлар яратиш чора-тадбирлари тўғрисида”ги Фармон имзоланди.

 

Ҳужжатга асосан 2022 йил 1 январдан бошлаб:

  • камерал солиқ текшируви натижалари бўйича аниқланган ҳуқуқбузарликлар учун молиявий санкциялар қўлланилмайди;
  • тадбиркорлик субъектлари томонидан солиқ ҳисоботини белгиланган муддатларда тақдим этмаганлик учун молиявий санкциялар бекор қилинади.

 

2022 йил январь – июль ойларида Хоразм вилояти давлат солиқ бошқармасида ҳисобда турган солиқ тўловчиларнинг ҚҚС, акциз солиғи, айланмадан олинадиган солиқ ва юридик шахслардан олинадиган ер солиғи бўйича солиқ ҳисоботларининг солиқ органлари томонидан ҳисоблаб чиқарилиши ва шакллантириб берилиши бўйича эксперимент ўтказилади.

 

Эксперимент доирасида:

а) солиқ органлари:

  • юридик шахслардан олинадиган ер солиғини – Кадастр агентлиги органлари маълумотлари асосида;
  • ҚҚС, акциз солиғи ва айланмадан олинадиган солиқни – электрон ҳисобварақ-фактура ва онлайн назорат-касса техникаси маълумотлари ҳамда солиқ органларида мавжуд бошқа маълумотлар асосида ҳисоблаб чиқаради ва солиқ ҳисоботини шакллантиради;

б) шакллантирилган солиқ ҳисоботи солиқ тўловчилар учун белгиланган тегишли солиқ ҳисоботини тақдим этиш муддатидан камида 10 кун олдин солиқ тўловчининг шахсий кабинети орқали юборилади;

в) солиқ тўловчи солиқ ҳисоботини олган кундан бошлаб 5 кун ичида уни тасдиқлайди ёки, агар эътирозлари мавжуд бўлса, уни рад этган ҳолда, солиқ ҳисоботини қайта ишлайди ва ўрнатилган тартибда солиқ органларига тақдим этади.

 

2022 йил 1 январга қадар ҚҚС, акциз солиғи ва айланмадан олинадиган солиқни ҳисоблаш учун зарур бўлган солиқ солиш объекти ёки солиқ солиш билан боғлиқ бошқа объектларни электрон ҳисобварақ-фактураларда акс эттириш имкониятлари яратилади.

 

Шунингдек, эксперимент механизмини республиканинг барча ҳудудларидаги солиқ тўловчиларга татбиқ этиш режалаштирилмоқда.

 

Ҳужжат “Халқ сўзи” газетасида 8.09.2021 йилда эълон қилинган.

 

Эльмира Сиразиева.