“Юридик шахсларга берилган имтиёзлар маълумотномаси” – Давлат солиқ қўмитаси томонидан тақдим этиладиган янги автомат тарздаги хизмат шундай номланади. Бу ҳақида давлат порталининг ахборот хизмати хабар берди.
Ушбу хизматдан фойдаланган ҳолда юридик шахслар учун солиқ тури бўйича солиқ тўловчилар тоифаси, имтиёз тури, амал қилиш муддати, шунингдек солиқ имтиёзлари тақдим этилишига асос бўладиган норматив-ҳуқуқий ҳужжатлар тўғрисидаги туркумлаштирилган ахборотни олиш мумкин, дейилади Порталдаги хабарда.
Маълумотномадан фойдаланиш учун таклиф қилинаётган рўйхатдан тегишли параметрларни танлаб, маълумотлар базасида ахборот излаш параметрларини бериш керак. Тизим тадбиркорлар учун лозим бўлган имтиёзларга доир норматив ҳужжатлар рўйхатини автомат тарзда шакллантиради.
