Адлия вазирлиги айрим идораларнинг товарлар импорти ва экспортини расмийлаштириш жараёни юзасидан тадбиркорларнинг таклифларини жамламоқда.
Адлия вазирлигининг хабар беришича, айни пайтда товарлар экспорти ва импорти жараёнини соддалаштириш бўйича иш олиб борилмоқда.
Шу муносабат билан тадбиркорлар ветеринария, карантин, стандартлаштириш органлари, санитария-эпидемиология хизмати ҳамда давлат божхона хизматининг ушбу операцияларни расмийлаштиришига доир фикр-мулоҳазалари ва таклифларини йўллашлари мумкин.
Таклифлар Адлия вазирлигининг @qonunchilikbot телеграм-боти орқали жорий йил 2 февралгача қабул қилинади.
