Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
buxgalter.uz да янги:Қандай қилиб иш ҳақи тўловида ходимларнинг кредитлари ва қарзларини ҳисобга олиш мумкинХодимларга фоизсиз қарзлар бериш мумкинмиCovid-19 учун тестларни олиб кириш ва реализация қилишда ҚҚС тўлаш зарурмиМҲХС бўйича ўқитиш ва имтиҳон топшириш харажатлари кимга қоплаб берилади

ШЖБПҲ тўғрисидаги низом лойиҳаси муҳокамага қўйилди

07.09.2021

Рус тилида ўқиш

Молия вазирлиги томонидан Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий жамғариб бориладиган пенсия бадалларини ҳисоблаш ва тўлаш тартиби тўғрисидаги низом лойиҳаси ишлаб чиқилди.

 

Низом қуйидагиларни белгилайди:

  • ушланган мажбурий жамғариб бориладиган пенсия бадалларини ШЖБПҲга ўтказиш тартиби;
  • ШЖБПҲга киритилган мажбурий жамғариб бориладиган пенсия бадаллари бўйича ҳисоб-китоб ва ҳисобот;
  • Халқ банки филиали томонидан давлат солиқ хизмати органларига ахборот тақдим этилиши тартиби;
  • ШЖБПҲга маблағлар келиб тушиши устидан назорат.

 

Меҳнат фаолиятини меҳнат шартномалари бўйича амалга ошираётган фуқаролар (улар жумласига ишловчи пенсионерлар, ўриндошлар ҳам киради), шунингдек фуқаролик-ҳуқуқий шартномалар бўйича ишларни бажарадиган фуқаролар, агар ушбу ходимларнинг меҳнатга ҳақ тўлаш тарзидаги даромадларидан қонунчиликка мувофиқ жисмоний шахслардан олинадиган даромад солиғи ушланса, жамғариб бориладиган пенсия тўловларини олувчилар сифатида жамғариб бориладиган пенсия тизимининг мажбурий иштирокчилари ҳисобланадилар.

 

Қонунчиликка мувофиқ жисмоний шахслардан олинадиган даромад солиғини тўлашдан тўлиқ озод этилган бошқа фуқаролар, шунингдек якка тартибдаги тадбиркорлар, юридик шахсни ташкил этмаган деҳқон хўжаликларининг аъзолари жамғариб бориладиган пенсия тизимида ихтиёрий асосда иштирок этадилар.

 

Фуқароларнинг ШЖБПҲга мажбурий жамғариб бориладиган пенсия бадаллари бюджетга тўланадиган солиқлар ва йиғимларга тенглаштирилади.

 

Низом “Давлат тили тўғрисида”ги Қонунга мувофиқ ишлаб чиқилган.

 

Лойиҳа ўзгартирилиши, унга қўшимча киритилиши ёки рад этилиши мумкин.

 

Лола Абдуазимова.


В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_