Президентнинг 14.08.2018 йилдаги қарори билан ёшларни маънавий-ахлоқий ва жисмоний баркамол этиб тарбиялаш, уларга таълим-тарбия бериш тизимини сифат жиҳатидан янги босқичга кўтариш чора-тадбирлари назарда тутилган. Ҳужжат ЎзАда жойлаштирилган.
Энг аввало, умумий ўрта таълим муассасалари ходимларининг базавий тариф ставкалари икки марта индексацияланади (қуйидаги жадвалга қаранг).
Ходимларнинг тоифаси |
Индексация миқдори |
2018 йил 1 сентябрдан |
|
бошланғич синф ўқитувчилари |
1,1 баравар (10%) |
юқори синф ўқитувчилари |
ўртача 1,24 баравар (24%) |
директор, унинг ўринбосарлари ва ахборот-ресурс маркази (кутубхона) мудирлари ва кутубхоначилари |
1,1 баравар (10%) |
2019 йил 1 январдан |
|
олий тоифали ўқитувчилар |
1,25 баравар (25%) |
биринчи тоифали ўқитувчилар |
1,2 баравар (20%) |
иккинчи тоифали ўқитувчилар |
1,15 баравар (15%) |
мутахассис ўқитувчилар |
1,1 баравар (10%) |
директор, унинг ўринбосарлари, ахборот-ресурс маркази (кутубхона) мудирлари ва кутубхоначилари |
1,1 баравар (10%) |
Ҳужжатда педагог кадрлар ва уларнинг оила аъзоларини моддий жиҳатдан рағбатлантириш ва қўллаб-қувватлашга доир бошқа чора-тадбирлар ҳам назарда тутилган.
Мактаб психологларининг сони ўқувчилар сонига боғлиқ бўлади
1 сентябрдан бошлаб умумий ўрта ва ўрта махсус таълим муассасаларида, улардаги ўқувчилар сонидан келиб чиқиб, психолог штат бирлиги белгиланади (қуйидаги жадвалга қаранг).
Ўқувчилар сони (киши) |
Психолог штат бирлиги сони |
250 нафаргача |
1 |
250 – 800 |
1,5 |
800 – 1 600 |
2 |
1 600 – 3 000 |
2,5 |
3 000 нафардан ортиқ |
3 |
Умумий ўрта ва ўрта махсус таълим муассасаларида ишловчи олий маълумотли психологларнинг базавий ставкаси шу санадан бошлаб мутахассис ўқитувчилар базавий ставкасининг 90%ига тенглаштирилади, 1.01.2019 йилдан эса 1,1 бараварга (яъни 10%га) оширилади.
Олег Заманов.